Psonm 27:8 - Labib An Kreol Seselwa

⁸ Mon mazin sa ki ou'n dir: Rod SENYER. Alor SENYER! Mon pe tourn ver ou.

Psonm 27:8 Referans Kwoze

Psonm 105:4

Tourn ver SENYER e rod son pwisans! Rod kontinyelman son prezans!

Psonm 119:58

Avek tou mon leker mon demann ou: Pran pitye pour mwan parey ou'n promet.

Psonm 24:6

Konmsa menm zot pou ete, bann ki rod Bondye e tourn ver Bondye Zakob.

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Ezai 45:19

Mon pa'n koz an sekre dan en pei ki dan fernwanr. Mon pa ti dir avek bann desandan Zakob: Rod mwan dan vid! Mwan SENYER, sa ki mon i vre. Sa ki mon dir i drwat.

2 Samyel 21:1

Dan letan David, ti annan en lafanmin pandan 3 an. David ti konsilte SENYER ki ti dir li, “Sa i akoz Sail ek son fanmir ki'n vers disan. Zot in touy bann Gabaonit.”

2 Kronik 7:14

si mon pep ki port mon non, i imilye li, priye e rod mwan; si zot abandonn zot bann move kondwit, mon pou ekout zot depi lao dan lesyel, e pardonn zot pese e geri zot pei.

Ezai 26:16

SENYER! Zot ti rod ou ler zot ti dan detres. Zot ti priye ler ou ti pe pini zot.

Levanzil dapre Zan 11:29

Kan Mari ti antann sa, i ti leve e degaze pour al kot Zezi.