Psonm 27:5 - Labib An Kreol Seselwa

⁵ Dan letan maler, i pou gard mwan anba son twa; i pou kasyet mwan anba son latant; i pou met mwan an sekirite lo en gro ros.

Psonm 27:5 Referans Kwoze

Proverb 18:10

Non SENYER i en tour solid; i en proteksyon pour sa enn ki zis.

Psonm 31:20

Ou kasyet zot dan sekirite ou prezans. Ou kasyet zot kont konplo zot bann lennmi.

Psonm 138:7

Menm si mon viv dan milye maler, ou protez mon lavi; ou lev ou lanmen kont lakoler mon bann lennmi e ou lanmen drwat i delivre mwan.

Psonm 91:1

Sa enn ki reste kot Bondye Treo, e repoz anba proteksyon Bondye Toupwisan,

Psonm 119:114

Ou menm mon protekter e mon boukliye. Mon met mon konfyans dan ou parol.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Psonm 40:2

I'n tir mwan dan dezespwar lanmor, dan labou san fon. I'n met mwan debout lo en ros; i'n fer mon lipye vin for.

Kolosyen 3:3

Annefe, zot in mor e zot lavi i kasyet avek Kris, dan Bondye.

Psonm 17:8

Gard mwan koman kannet ou lizye. Kasyet mwan anba lonbraz ou lezel,

Psonm 46:1

Bondye i pour nou en labri e en sekour. I touzour avek nou dan letan maler.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Psonm 57:1

Pran pitye pour mwan, mon Bondye! Pran pitye pour mwan. Ou mon protekter. Mon vin rod proteksyon anba ou lezel, ziska ki bann dezas i pase.

Ezai 32:2

Sakenn pou parey en labri kont divan, en refiz kont tanpet, parey bann sours delo dan landrwa sek, parey lonbraz en ros dan dezer.

Psonm 61:2

Depi dan bout later, mon pe kriy ou ler mon dan dekourazman. Kondwir mwan lo sa ros kot mon pa kapab arive.

Psonm 18:33

I fer mwan taye parey en serf e met mwan debout lo montanny.

Psonm 83:3

Zot pe fer konplo kont ou pep; zot pe met zot ansanm kont ou bann proteze.

Psonm 77:2

Kan mon dan maler, mon tourn ver SENYER. Dan lannwit, mon reste lanmen anler, san repo; mon refize ganny konsole.

Ezai 26:16

SENYER! Zot ti rod ou ler zot ti dan detres. Zot ti priye ler ou ti pe pini zot.

Psonm 10:1

SENYER! Akoz ou reste lwen avek mwan? Akoz ou kasyet ou kan mon dan maler?

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

2 Kronik 22:12

Zot ti kasyet li pandan 6 an dan tanp Bondye, pandan ki Atali ti larenn pei.

Psonm 31:21

Loue SENYER! I'n montre mwan son gran fidelite, mwan ki ti parey en lavil anserkle.

Psonm 40:3

I'n met en nouvo kantik lo mon lalev; en kantik pour loue nou Bondye. Bokou dimoun ki pou temwen, pou annan respe pour SENYER e met zot konfyans dan li.

Psonm 61:3

Ou menm mon protekter, mon fortres kont lennmi.