Psonm 26:2 - Labib An Kreol Seselwa

² Teste mwan, SENYER! Egzamin mwan, mon lespri ek mon leker.

Psonm 26:2 Referans Kwoze

Psonm 7:9

Bondye ki zis! Ou ki egzamin sa ki pase dan mon lespri e dan mon leker, fer fini mesanste bann malfeter. Ankouraz sa bann ki fer dibyen.

Psonm 17:3

Ou konn fon mon leker. Dan lannwit ou'n vey lo mwan. Menm si ou'n teste mwan, ou pa'n war nanryen mal. Dan mon labous pa'n sorti nanryen ki move.

Liv Zob 13:23

Ki kantite fot ek pese mon'n fer? Fer mwan konn mon bann krim ek mon bann pese.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Psonm 66:10

Mon Bondye! Ou'n teste nou. Ou'n pirifye nou parey larzan i ganny pirifye.

Zeremi 20:12

SENYER liniver! Ou teste bann ki fidel anver ou. Ou teste zot leker ek zot lespri. Mon'n plas mon problenm dan ou lanmen. Fer mwan war ou vanzans lo zot, akoz mon'n konfye mon problenm i dan ou lanmen.