Psonm 26:1 - Labib An Kreol Seselwa

¹ SENYER! Deklar mwan inosan. Mon'n anmenn en lavi san repros. Mon'n met mon konfyans dan SENYER. Mon pa pou tonbe.

Psonm 26:1 Referans Kwoze

Psonm 28:7

SENYER i mon lafors, i protez mwan. Mon met mon konfyans dan li, e i vin sekour mwan. Mon pou loue li avek bann kantik.

Psonm 7:8

SENYER! Ou ki ziz bann nasyon, rann zizman dan mon faver dapre mon lentegrite.

Proverb 20:7

Sa enn ki zis i viv onnetman; zanfan ki vin apre li pou byennere.

Psonm 21:7

Lerwa i met son konfyans dan SENYER. I pa pou tonbe, akoz lanmour fidel Bondye Treo.

2 Rwa 20:3

“Pitye SENYER! Mon sipliy ou, rapel koman mon ti swiv ou e mars devan ou avek fidelite e avek tou mon leker pour fer sa ki fer ou plezir.” Ezekyas ti pler en kantite.

1 Samyel 24:15

SENYER i ava rann lazistis; i ava ziz ant ou ek mwan; li menm i ava gete, i ava pran mon defans; i pou delivre mwan dan ou lanmen.”

2 Pyer 1:10

Alor, mon bann frer! Fer en pli gro zefor pour reste atase avek Bondye ki'n apel zot, e ki'n swazir zot. Si zot fer sa, zot pa pou zanmen abandonn zot lafwa.

1 Pyer 1:5

Sa bann byen i pour zot, ki, par lafwa, in ganny garde par pwisans Bondye, ziska ki delivrans i arive, pare pour ganny revele dan lafen letan.

Ebre 10:23

Annou tenir ferm nou lesperans, akoz sa enn ki'n fer sa promes i fidel.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Proverb 29:25

Lafreyer pour zonm i en move keksoz; me sa enn ki met son konfyans dan SENYER i an sekirite.

Psonm 121:3

I pa pou les ou fer en fo pa; ou protekter pa asoupi.

Psonm 94:18

Ler mon ti dir: Mon lipye pe glise, ou fidelite in soutenir mwan, SENYER.

Psonm 62:6

Li tousel mon Ros protekter, mon Sover, mon fortres. Mon pa pou zanmen tonbe.

Psonm 62:2

Zis li mon Ros protekter e li tousel ki sov mwan, mon fortres; mon pa pou zanmen tonbe.

Psonm 54:1

Mon Bondye! Par ou pwisans, sov mwan. Par ou lafors, pran desizyon dan mon faver.

Psonm 43:1

Mon Bondye! Rann lazistis. Defann mon drwa kont sa pep enfidel. Vin delivre mwan kont bann manter ek bann malfeter!

Psonm 37:31

I gard lalwa son Bondye dan son leker; i pa fer okenn fo pa.

Psonm 35:24

SENYER mon Bondye! Ziz mwan dapre ou lazistis. Pa les mon bann lennmi riy mwan.

Psonm 31:14

Me mwan, mon'n met mon konfyans dan ou, SENYER. Mon dir: Ou menm mon Bondye.

Psonm 26:11

Mon'n anmenn en lavi san repros. SENYER! Delivre mwan. Pran pitye pour mwan.

Psonm 25:21

Mon kont lo ou; gard mwan san repros e touzour onnet.

Psonm 25:2

Mon Bondye! Mon'n fer ou konfyans; pa tronp mwan. Pa les mon bann lennmi ganny laviktwar.

Psonm 15:2

Sa enn ki san repros, ki fer sa ki byen, ki dir laverite e son leker i onnet;

Psonm 4:5

Ofer bann sakrifis ki byen; met ou konfyans dan SENYER.

1 Samyel 2:9

I protez lepa son bann fidel. Me bann malfeter i al mor dan fernwanr, akoz zonm pa reisi par lafors.

Liv Zob 2:3

SENYER ti demann li, “Eski ou'n remark mon serviter Zob? Napa personn koman li lo later. I en zonm zis e drwat. I annan bokou respe pour Bondye e i evite fer sa ki mal. I reste touzour fidel, menm si ou'n pous mwan pour detri li san rezon.”

Liv Zob 4:6

Pa ou'n met ou konfyans dan Bondye, ki ou annan pou per? Ou lavi san repros pa i donn ou lespwar!