Psonm 24:5 - Labib An Kreol Seselwa

⁵ I pou ganny benediksyon SENYER e rekonnet koman zis devan Bondye son Sover.

Psonm 24:5 Referans Kwoze

Filipyen 3:9

e vin konpletman ini avek li. Pa lobeisans Lalwa ki rann mwan zis, me lafwa dan Kris. Bondye ki rann mwan zis e i rann zis sa enn ki krwar dan li.

Efezyen 1:3

Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.

Ezai 46:13

Mon pe al egzekit mon lazistis, i pa lwen. Delivrans pa pou tarde. Mon pou anmenn delivrans Siyon, pour Izrael, mon laglwar.

1 Pyer 3:9

Pa rann lemal pour lemal, ni lensilt pour lensilt. Okontrer, reponn par loue Senyer, akoz pour sanmenm sa, ki Bondye in apel zot, pour resevwar son benediksyon.

Galat 3:14

Konmsa ki benediksyon ki ti'n ganny promet avek Abrahanm, in osi ganny donn avek bann non-Zwif, gras a Zezi-Kri. Alor, par lafwa, nou resevwar Lespri ki Bondye in promet.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Psonm 50:23

Sa enn ki anmenn mwan son lofrann, i onor mwan. Sa enn ki mars dan bon semen, mon pou fer li war delivrans Bondye.

Galat 5:5

Kanta nou, nou met nou lespwar dan Bondye ki pou rann nou zis devan li. Sanmenm sa ki nou pe espere, par pwisans Lespri Sen ki travay atraver nou lafwa.

Galat 3:9

Abrahanm ti krwar e i ti ganny beni. Konmsa, tou dimoun ki annan lafwa i resevwar benediksyon parey Abrahanm.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

Romen 3:22

Bondye i rann zonm zis devan li par lafwa dan Zezi-Kri. I fer sa pour tou dimoun ki krwar dan Kris, san distenksyon.

Levanzil dapre Zan 7:17

Tou dimoun ki dakor pour fer lavolonte Bondye, ava konnen si mon lansennyman i sorti kot Bondye, oubyen si mon koz par mon prop lotorite.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.

Ezai 51:8

akoz mit pou manz zot parey i manz lenz e lever pou manz zot parey i manz lalenn. Me mon delivrans i pour touzour e zot pou ganny sove zenerasyon apre zenerasyon.

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Psonm 88:1

SENYER, Bondye mon Sover! Lizour, lannwit mon kriy ver ou.

Psonm 72:17

Son non ava ganny selebre pour touzour; son repitasyon ava dire pour touzour e bann pep ava pronons son non pour zot beni kanmarad. Tou bann nasyon i deklar li byennere!

Psonm 68:19

Remersye SENYER tou le zour! Bondye ki nou Sover!