Psonm 24:2 - Labib An Kreol Seselwa

² I ti etabli son fondasyon dan lanmer; i ti fikse li dan profonder bann losean.

Psonm 24:2 Referans Kwoze

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Psonm 136:6

In plas later lo bann losean; son fidelite i dire pour touzour.

Psonm 96:10

Al anons avek bann nasyon: SENYER i Lerwa! Lemonn i solid; i pa pou bouze. SENYER i ziz bann pep avek drwatir.

Liv Zob 38:4

Dir mwan si ou konpran: Kote ou ti ete ler mon ti poz fondasyon later?

Psonm 33:6

Lesyel ti ganny kree par parol SENYER. Par souf son labous, in fer lesyel ek tou bann zetwal.

Zenez 8:22

Tan ki later i egziste, pou annan en sezon pour plante e enn pour rekolte. Pou annan letan lafreser ek letan lasaler, sezon lete ek sezon liver, lizour ek lannwit. Sa pa pou zanmen arete.

Psonm 95:4

I tenir bann profonder later dan son lanmen; bann latet montanny i osi pour li.

Psonm 93:1

SENYER i lerwa, in anvlope dan mazeste; i antoure avek lafors.

Psonm 89:12

Ou ki ti kree tou sa ki dan Nor, tou sa ki dan Sid. Montanny Tabor ek montanny Hermon i loue ou non.