Psonm 23:4 - Labib An Kreol Seselwa

⁴ Menm si mon mars dan vale sonm lanmor, mon pa per okenn danze, akoz ou avek mwan. Ou protez mwan; ou baton berze i donn mwan konfyans.

Psonm 23:4 Referans Kwoze

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Psonm 118:6

Si SENYER i lo mon kote, mon pa per nanryen. Ki en zonm i kapab fer mwan?

Psonm 138:7

Menm si mon viv dan milye maler, ou protez mon lavi; ou lev ou lanmen kont lakoler mon bann lennmi e ou lanmen drwat i delivre mwan.

Psonm 3:6

Mon pa per menm si plizyer milye dimoun i antour mwan lo tou kote.

Levanzil dapre Lik 1:79

I pou ekler tou dimoun ki reste dan fernwanr e dan lonbraz lanmor. I pou diriz nou lepa lo semen lape.

Mise 7:14

SENYER! Avek ou baton berze, kondwir ou pep. I pe reste tousel dan lafore, parmi bann pye fri. Parey dan letan lontan, anmenn li dan bann laplenn Basann, dan Galaad.

Psonm 46:11

SENYER liniver i avek nou; Bondye Zakob i nou labri.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

2 Timote 4:22

Mon demande ki Senyer ava avek ou lespri! Ki son lagras ava avek zot tou!

Zeremi 2:6

Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Psonm 44:19

Me ou'n kraz nou dan dezer parmi bann sakal. Ou'n kouver nou anba en gro lonbraz lanmor.

Psonm 14:5

Alor, zot pou tranble avek lafreyer, akoz Bondye i lo kote bann ki zis.

Liv Zob 3:5

Mon demande ki fernwanr lanmor i pran li, e bann gro nyaz i kouver li e fernwanr i ranplas lizour.

Zakari 11:10

Mon ti pran mon baton Faver e mon ti kas li. Konmsa, mon ti kas lalyans ki mon ti'n fer avek tou bann pep.

Psonm 110:2

Depi Siyon, SENYER pou agrandi ou dominasyon. I pou fer ou domin lo ou bann lennmi.

Liv Zob 24:17

Pour zot tou, lizour i parey fernwanr lanmor; zot sitan abitye fer krim dan fernwanr.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Zakari 11:14

Apre sa, pou kas relasyon lafanmir ant Zida ek Izrael, mon ti kas mon dezyenm baton: Linite.