Psonm 22:3 - Labib An Kreol Seselwa

³ Pourtan, ou menm ki Sen. Pep Izrael i sant ou louanz otour ou tronn.

Psonm 22:3 Referans Kwoze

Psonm 50:23

Sa enn ki anmenn mwan son lofrann, i onor mwan. Sa enn ki mars dan bon semen, mon pou fer li war delivrans Bondye.

Deterononm 10:21

Zot ava loue li; i zot Bondye. I'n fer pour ou bokou bann gran mervey ki zot in war avek zot prop lizye.

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Revelasyon 4:8

Sa kat kreatir vivan ti annan sakenn sis lezel e zot ti kouver avek lizye partou, anndan deor. Lizour koman aswar, zot ti sante san pozman: Sen, sen, sen, Senyer Bondye Toupwisan, sa enn ki ti egziste, ki egziste, e ki pe vini.

Psonm 99:9

Proklanmen ki SENYER, nou Bondye i gran! Prosternen devan son montanny sen, akoz SENYER, nou Bondye i Sen.

Psonm 65:1

Mon Bondye! Ou ki dan Zerizalenm, ou merit ganny loue. Nou devre gard nou promes anver ou.

Psonm 145:17

SENYER i zis dan tou sa ki i antreprann; i fidel dan tou sa ki i fer.

Liv Zob 19:7

Si mon denons lavyolans, personn pa reponn mwan. Si mon apel osekour, personn pa donn en desizyon.

Liv Zob 30:20

Mon apel ou osekour me ou pa reponn mwan; mon prezant mwan devan ou, me ou pa ni get mwan.

Psonm 88:2

Akey mon lapriyer ki mont ver ou; port atansyon lo mon lapenn.

Habakouk 1:2

SENYER! Ziska kan, mon pou kontinyen kriy osekour me ou pa ekoute? Ziska kan mon pou kriy ver ou kont vyolans? Me ou pa delivre mwan.