Psonm 22:12 - Labib An Kreol Seselwa

¹² Mon bann lennmi, bann toro, in antour mwan; bann toro ki sorti Basann in anserkle mwan.

Psonm 22:12 Referans Kwoze

Psonm 68:30

Menas Lezip, ki parey en zannimo sovaz dan lanmar! Menas kont bann nasyon ki parey en troupo toro ek bann zenn toro. Zot ava vin bes zot latet devan ou e ofer ou zot kado. Fer fannen bann pep ki kontan lager!

Akt de Zapot 4:27

Annefe, i byen vre ki Herod ek Pons-Pilat ti ini ansanm dan sa lavil, avek bann nasyon etranze ek pep Izrael, kont Zezi, ou sen serviter ki ou'n konsakre.

Matye 27:1

Granmaten, bann gran-pret ek bann ansyen parmi lepep ti deside pour kondann Zezi anmor.

Ezekyel 39:18

Zot ava manz lavyann bann gran konbatan e bwar disan bann sef lo later ki pou ganny ofer dan plas bann mouton, bouk, toro, tou bann zannimo gra dan Basann.

Zeremi 50:11

Pep Babilonn! Ou kontan, ou dan lazwa. Ou'n pran tou sa ki pour mwan. Ou pe sote parey en zenis dan laplenn; ou kriye parey en seval.

Ezai 34:7

Bann bef sovaz pou tonbe ansanm avek lepep; bann zenn bef ek bann toro feros. Pei pou enbib disan e later pou ganny enprenyen avek lagres.

Psonm 7:3

SENYER, mon Bondye! Si mon'n fer ditor dimoun; si mon'n mal azir;

Psonm 35:22

SENYER! Ou menm, ou'n war. Pa gard silans. SENYER! Pa reste lwen avek mwan.

Psonm 38:22

SENYER! Mon Sover. Pa tarde pou sekour mwan.

Psonm 40:14

Fer onte bann ki esey touy mwan. Fer rekile e met dan konfizyon tou bann ki rod mon maler.

Psonm 69:18

Vin pros avek mwan, sov mwan, delivre mwan akoz mon bann lennmi.

Psonm 70:2

Kouver sa bann ki oule touy mwan avek laont ek konfizyon. Fer rekile avek dezoner sa bann ki swet mon maler.