Psonm 20:5 - Labib An Kreol Seselwa

⁵ Alor, nou ava selebre ou laviktwar. Nou ava fer flote paviyon lo non nou Bondye. SENYER ava akonpli tou sa ki ou demann li.

Psonm 20:5 Referans Kwoze

Egzod 17:15

Moiz ti konstri en lotel ki i ti apel SENYER i mon bannyer.

Psonm 60:4

Ou'n donn ou bann fidel en bannyer pour zot sove devan dart lennmi.

1 Samyel 1:17

Eli ti reponn, “Al anpe! Bondye Izrael ava donn ou tou sa ki ou'n demande.”

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Levanzil dapre Lik 1:47

Mon lespri i dan lazwa akoz Bondye, mon Sover.

Psonm 118:15

Laklamasyon lazwa ek delivrans i rezonnen dan latant pep Bondye: Lanmen drwat SENYER in donn laviktwar.

Psonm 35:9

Alor, mwan, mon pou dan lazwa akoz SENYER. Mon pou rezoui akoz in delivre mwan.

Psonm 13:5

Me mwan, mon'n met mon konfyans dan ou fidelite. Mon leker i kontan akoz ou'n delivre mwan.

Psonm 9:14

pour mwan rakont devan laport Zerizalenm tou bann mervey ki ou'n fer. Mon pou danse dan lazwa, akoz ou'n delivre mwan.

Habakouk 3:18

Sepandan, mon pou dan lazwa akoz SENYER; mon pou zwaye akoz Bondye i mon sover.

Mise 4:5

Si sak nasyon pe obei son bondye, nou, nou pou ador e obei nou SENYER, nou Bondye pour touzour e touzour.

Psonm 19:4

Me zot mesaz i ganny tande partou lo later. Zot parol i fer letour lemonn. Bondye in dres en latant pour soley.

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Psonm 21:1

SENYER! Lerwa i dan lazwa akoz ou for. I tre zwaye ou'n sekour li.

1 Samyel 17:45

David ti dir sa Filisten, “Ou, ou vin kont mwan avek lepe ek lans; me mwan, mon vin lo non SENYER liniver, Bondye bann troup Izrael, ki ou'n ensilte.

Psonm 21:3

Ou'n akey li avek bokou benediksyon; ou'n poz en kouronn lor lo son latet.