Psonm 20:3 - Labib An Kreol Seselwa

³ I ava mazin tou ou bann lofrann e aksepte ou bann sakrifis konplet.

Psonm 20:3 Referans Kwoze

Psonm 51:19

Alor ou ava aksepte bann sakrifis ki ou demande, bann lofrann ek bann sakrifis konplet. Alor, nou ava kapab ofer bann toro lo ou lotel.

Akt de Zapot 10:4

I ti get lanz avek lafreyer. I ti dir, “Ki i annan Senyer?” Lanz ti reponn li, “Bondye in ekout ou bann lapriyer e in war ou bann lomonn anver bann pov. I pa'n oubliy ou.

2 Kronik 7:1

Ler Salomon ti fini priye, dife ti desann sorti dan lesyel e ti bril sakrifis konplet ek lezot bann sakrifis. Laglwar prezans SENYER ti ranpli tanp.

Zenez 4:4

Abel li, ti ofer en sakrifis bann premye zannimo ki son troupo ti'n prodwir. SENYER ti aksepte Abel ek son lofrann.

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Ezai 60:7

Tou bann troupo ki sorti Kedar pou rasanble kot ou. Bann mouton sorti Nebayot pou la pour ou servis; zot pou ganny aksepte lo mon lotel e mon pou fer splander mon tanp briye.

1 Kronik 21:26

I ti konstri en lotel pour SENYER la. I ti ofer li en sakrifis konplet ek sakrifis lape. I ti priy SENYER e i ti reponn li par en dife ki ti sorti dan lesyel, ki ti desann lo lotel sakrifis.

Levitik 9:24

En dife ti sorti devan SENYER e devor sakrifis konplet ek lagres lo lotel. Pep Izrael antye ti war sa; zot ti kriye avek lazwa e tonm lafas ater.

Psonm 128:5

SENYER pou beni ou depi Zerizalenm. Ou pou war Zerizalenm prospere tou le zour ou lavi.

Psonm 134:3

Depi Zerizalenm, SENYER ki'n kree lesyel ek later ava beni ou.