Psonm 20:2 - Labib An Kreol Seselwa

² Dan son tanp, i ava anvoy son led e depi Siyon, i ava soutenir ou.

Psonm 20:2 Referans Kwoze

1 Rwa 6:16

I ti osi lanbri miray lasal deryer avek dibwa sed depi anba, ziska lao, lo en oter 10 met. Answit, anndan, i ti aranz en lasal sakre, Lasal Tre Sen.

Ezai 14:32

Ki larepons fodre donn mesaze bann nasyon? SENYER in etabli Siyon. Bann malere parmi son pep i an sekirite kot li.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Psonm 73:17

ziska ler mon ti'n antre dan sanktyer Bondye. La, mon ti konpran sa ki pou arive avek zot.

Psonm 3:4

Mon kriy for ver SENYER; depi son montanny sen i reponn mwan.

2 Samyel 6:17

Apre ki zot ti'n anmenn Kof SENYER, e depoz li dan son plas, dan en latant ki David ti'n prepare pour li, David ti ofer devan SENYER sakrifis konplet ek sakrifis lape.

2 Samyel 5:7

Me David ti kaptir fortres Siyon, ki ti apel lavil David.

Psonm 54:3

Dimoun arogan in atak mwan; bann zonm vyolan i oule touy mwan. Zot napa okenn panse pour Bondye.

Proverb 18:10

Non SENYER i en tour solid; i en proteksyon pour sa enn ki zis.