Psonm 2:7 - Labib An Kreol Seselwa

⁷ Mon pou proklanm bann regleman SENYER. I ti dir mwan: Ou mon garson; ozordi mon'n vin ou papa.

Psonm 2:7 Referans Kwoze

Ebre 5:5

Demenm, pa Kris ki ti deside par li menm pour pran sa loner pour vin Gran-Pret. Me i ti ganny apwente par Bondye ki ti deklare avek li: Ou mon Garson, Ozordi mon'n vin ou Papa.

Akt de Zapot 13:33

i'n akonpli li aprezan pour nou, son bann desandan, par relev Zezi dan lanmor. Annefe, i'n ganny ekri dan dezyenm Psonm: Ou menm mon Garson, ozordi mon'n vin ou Papa.

Matye 3:17

En lavwa sorti dan lesyel ti dir, “Sa i mon Garson byenneme, ki donn mwan bokou lazwa.”

Matye 17:5

Letan Pyer ti pe koze, en nyaz klate ti kouver zot, e en lavwa sorti dan nyaz ti dir: Sa i mon Garson byenneme dan ki mon'n met tou mon lazwa. Ekout li!

Psonm 89:27

Mon pou fer li vin mon premye garson, pli gran parmi bann lerwa lo later.

Romen 1:4

Me dapre Lespri Sen, i'n ganny manifeste koman Garson Bondye avek pwisans, kan i ti resisite.

Levanzil dapre Zan 3:16

Annefe, Bondye in telman kontan lemonn ki i'n donn son sel Garson, pour ki nenport ki, ki krwar dan li, pa pou mor, me i ava ganny lavi eternel.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

Levanzil dapre Zan 1:18

Personn pa'n deza war Bondye. Me sa enn ki'n fer konn li, se Bondye, son sel Garson, ki dan leker son Papa.

Matye 16:16

Simon Pyer ti reponn, “Ou menm Mesi, Garson Bondye vivan.”

Ebre 5:8

Menm si i ti Garson Bondye, par tou sa ki i ti soufer, i ti aprann lobeisans.

Matye 8:29

Zot ti konmans kriye, “Ki ou pe rode avek nou, Garson Bondye? Eski ou'n vin isi pour tourmant nou avan ler?”

Ezai 46:10

Depi konmansman, mon'n anons lavenir e depi lontan davans, sa ki pa ankor arive. Mon'n dir davans: Mon pou realiz mon plan e mon pou rakont li tou sa ki fer mwan plezir.

Psonm 148:6

In etabli zot pour touzour. In fikse en lalwa ki bezwen touzour ganny obei.

Liv Zob 23:13

Kan Bondye i pran en desizyon personn pa kapab fer li sanze. I realiz sa ki fer li plezir.

Akt de Zapot 8:36

Zot ti kontiny zot vwayaz e ariv dan en landrwa kot ti annan delo. Sa zofisye ti dir, “I annan delo la! Kwa ki anpes mwan ganny batize?”

2 Samyel 7:14

Mon pou vin son papa, i ava vin mon garson. Si i fer fot, mon pou koriz li avek en baton ki zonm i servi, avek kou ki zonm i donnen.