Psonm 2:2 - Labib An Kreol Seselwa

² Bann lerwa lo later, zot pran zot pozisyon; bann dirizan, zot fer konplo ant zot kont SENYER ek sa enn ki i'n swazir. Zot dir:

Psonm 2:2 Referans Kwoze

Matye 26:59

Bann gran-pret ek Konsey antye ti esey rod fo levidans kont Zezi, pour zot kondann li anmor.

Matye 27:1

Granmaten, bann gran-pret ek bann ansyen parmi lepep ti deside pour kondann Zezi anmor.

Psonm 45:7

Ou kontan lazistis e ou deteste sa ki mal. Pour sa rezon, Bondye, ou Bondye, in vers delwil lonksyon lo ou latet. In prefer swazir ou parmi lezot lerwa.

Akt de Zapot 10:38

Zot konnen koman Bondye ti konsakre Zezi ki sorti Nazaret avek pouvwar son Lespri Sen. Zot osi konnen koman Zezi, partou kot i ti ale, ti fer dibyen e geri tou bann dimoun ki ti anba pouvwar dyab, akoz Bondye ti avek li.

Proverb 21:30

Napa okenn lasazes imen, okenn rezonnman, okenn konsey imen, ki kapab tenir devan SENYER.

Levanzil dapre Zan 1:41

Andre ti al rod son frer Simon. I ti dir li, “Nou'n trouv Mesi,” savedir Kris, dan lalang Grek.

Psonm 74:23

Pa oubliye: Ou bann ladverser pe fer tapaz; ou bann lennmi pa arete kriye.

Psonm 48:4

Bann lerwa ti fer konplo ansanm kont montanny Siyon.

Psonm 2:10

Bann lerwa! Azir avek lasazes. Bann dirizan later! Ekout sa lavertisman.

Levanzil dapre Zan 3:34

Sa enn ki Bondye in anvoye, i koz Parol Bondye, akoz Bondye in donn li son Lespri annabondans.

Psonm 89:20

Mon'n dekouver mon serviter David; mon'n konsakre li avek delwil sen.

Psonm 74:18

Pa oubliye SENYER: Ou bann lennmi pe ensilte ou. En pep fou pe denigre ou non.

Egzod 16:7

e demen bomaten, zot pou war laglwar SENYER, akoz in antann zot pe mirmire kont li. Ki nou ete, pour zot mirmire kont nou?”

Ebre 1:9

Ou kontan lazistis, e ou deteste lemal. Pour sa rezon, Bondye, ou Bondye in konsakre ou avek en delwil lazwa, e i'n fer ou pli gran ki ou bann zanmi avek ou.

Levanzil dapre Zan 15:23

Sa enn ki ay mwan i ay mon Papa osi.

Levanzil dapre Lik 13:31

Pandan sa menm moman, detrwa Farizyen ti vin dir Zezi, “Pa reste isi, al dan en lot landrwa, akoz Herod i oule touy ou.”

Matye 2:16

Kan Herod ti realize ki sa bann savan ti'n zwe en trik avek li, i ti tre ankoler. I ti fer touy tou bann garson 2 an e mwens, dan Betlehenm e dan zalantour, dapre lepok ki sa bann savan ti'n dir li.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Psonm 110:5

SENYER i lo ou kote drwat. Zour son lakoler i leve, i pou kraz bann lerwa.

Akt de Zapot 9:4

I ti tonm ater e i ti antann en lavwa ki ti dir li: Sol! Sol! Akoz ou persekit mwan?

Matye 26:3

Alor, bann gran-pret ek bann ansyen ti zwenn ansanm dan pale Gran-Pret, ki ti apel Kaif.

Psonm 48:5

Ler zot ti war SENYER, zot ti sezi; zot ti per e zot ti sove.

Psonm 83:6

Bann zabitan Edonm ek bann Ismaelit, zabitan Moab ek bann zanfan Agar;