Psonm 19:8 - Labib An Kreol Seselwa

⁸ Bann direktiv SENYER i zis; zot fer leker kontan. Bann komannman SENYER i donn lalimyer; zot fer war kler.

Psonm 19:8 Referans Kwoze

Psonm 12:6

Parol SENYER i pir. I parey larzan ki'n ganny pirifye set fwa.

Psonm 119:105

Ou parol i en lalanp pour ekler mon lipye e en lalimyer lo mon semen.

Zeremi 15:16

SENYER, Bondye liniver! Kan ou ti koz avek mwan, mon ti ekout tou sa ki ou ti dir Kan ou ti koz avek mwan, mon ti devor ou parol. In ranpli mon leker avek lazwa e kontantman e mon'n vin ou zanfan.

Proverb 30:5

Tou bann Parol Bondye in ganny teste. I en boukliye pour sa enn ki pran refiz kot li.

Psonm 119:128

Alor, mon swiv tou ou bann direktiv akoz zot zis. Mon deteste tou semen mansonz.

Proverb 2:6

Annefe, SENYER ki donn lasazes; konnesans ek larezon i sorti kot li.

Psonm 119:92

Si ou lalwa pa ti sours tou mon lazwa, mon ti ava'n mor dan lanmizer.

Psonm 119:80

Mon pou swiv ou bann regleman avek tou mon leker, pour ki mon pa ganny imilye.

Proverb 6:23

Annefe, bann komannman i en lalanp, e lansennyman en lalimyer; bann lavertisman ek bann koreksyon, i en semen lavi.

Romen 7:22

Dan mwan menm, koman en zonm, mon ganny plezir dan Lalwa Bondye.

Galat 2:19

An sa ki konsern Lalwa, lakoz mon lanmor i Lalwa li menm, pour ki mon kapab viv pour Bondye. Mon'n ganny krisifye avek Kris;

Romen 3:20

Annefe, napa personn ki pou pas pour zis devan li akoz in obei Lalwa. Lalwa i zis permet en dimoun konnen ki i'n komet pese.

Romen 7:7

Ki nou pou dir alor? Eski Lalwa dan li menm i pese? Sertennman non! Me par Lalwa, mon'n konnen kisisa pese. Mon pa ti pou konnen kisisa dezir si Lalwa pa ti dir mwan: Pa annan move dezir.

Psonm 119:16

Mon pran plezir dan ou bann regleman; mon pa pou oubliy ou parol.

Psonm 119:14

Mon kontan swiv ou bann lalwa, konmsi mon posed tou larises.

Ezekyel 36:27

Mon pou met mon lespri dan zot pour ki zot obeir mon bann lalwa e met an pratik mon bann regleman.

Psonm 119:171

Mon labous ava proklanm ou louanz, akoz ou ansenny mwan ou bann regleman.

Psonm 119:143

Maler ek langwas in sezi mwan. Me mon kontan obei ou bann komannman.

Psonm 119:130

Revelasyon ou parol i donn lalimyer; i donn disernman sa enn ki senp.

Psonm 119:121

Mon'n fer sa ki zis e byen. Pa abandonn mwan dan lanmen mon bann lennmi.

Psonm 119:40

Ou konnen mon kontan viv dapre ou bann direktiv. Fer mwan viv dapre ou lazistis.

Psonm 119:12

Mon loue ou, SENYER! Ansenny mwan ou bann regleman.

Psonm 105:45

Konmsa, zot in kapab gard son bann komannman e obzerv son bann lalwa. Loue SENYER!

Psonm 40:8

Mon Bondye! Mon oule fer ou lavolonte. Ou lalwa in grave dan fon mon leker.

Psonm 13:3

SENYER, Mon Bondye! Regard mwan. Reponn mwan. Vin ekler mwan. Pa les mwan al dormi dan lanmor,

Egzod 18:16

Kan zot annan en dispit, zot vin kot mwan pour rezoud. Mon ziz sa zafer ant sa de parti, e mon fer konn bann regleman Bondye ek son bann lalwa.”

Zenez 26:5

Annefe Abrahanm in obeir mon lavwa e gard mon lord, mon bann komannman, e mon bann regleman.”

Galat 3:21

Eski sa i vedir ki Lalwa i kont promes Bondye? Sertennman non! Si Bondye ti'n donn en lalwa ki kapab prodwir vre lavi, alor dimoun ti ava ganny zistifye par sa lalwa.

Ezai 64:5

Ou ed sa bann ki fer sa ki byen san ezite, sa bann ki mars dapre ou lalwa. Me ou ti ankoler akoz nou ti fer pese; ou ti kasyet ou akoz nou ti'n transgres ou lalwa.

Psonm 119:54

Ou bann regleman i size mon bann sanson la kot mon viv.

Psonm 119:24

Ou bann lord i fer mwan plezir; zot mon bann konseye.

Nehemi 9:13

Ou ti osi desann lo montanny Sinai. Depi lesyel, ou ti koz avek zot; ou ti donn zot bann regleman drwat, bann lalwa vre, bann lalwa ek bann komannman parfe.

Nehemi 8:12

Tou dimoun ti al sakenn dan son kote pour manze, bwar, e partaze, pour montre zot gran lazwa, akoz zot ti'n konpran bann parol ki ti'n ganny lir avek zot.

Deterononm 16:14

Pandan sa lafet, ou ava selebre, ou, avek ou bann garson, ou bann fiy, ou bann lesklav zonm oubyen fanm, ek bann levit, bann etranze, bann orfelen ek bann vev ki reste dan ou bann lavil.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

2 Rwa 17:37

Zot ava obzerve e met an pratik tou bann lalwa ek bann komannman ki i ti ekri pour zot. Zot pa devre ador okenn lezot bondye.

Psonm 93:5

Ou bann komannman i vreman sir. SENYER! Ou tanp i reste sen pour touzour.

Psonm 111:7

Tou sa ki i fer avek son lanmen i vre e i zis. Tou son bann direktiv i sir.