Psonm 19:10 - Labib An Kreol Seselwa

¹⁰ Zot pli presye ki lor, ki en kantite lor pir. Zot pli dou ki dimyel, ankor pli dou ki dimyel ki koule dan gof.

Psonm 19:10 Referans Kwoze

Psonm 119:103

Ou bann parol i dou dan mon labous. I pli dou ki dimyel.

Psonm 119:72

Lalwa ki sorti dan ou labous i pli bon pour mwan ki milyon lobze annor e annarzan.

Psonm 119:127

Mon vreman kontan ou bann komannman plis ki lor, menm plis ki lor pir.

Proverb 16:16

Vomye posed lasazes plito ki lor; vomye annan disernman plito ki larzan.

Liv Zob 23:12

Mon'n touzour fidel anver bann komannman ki i'n donn mwan; mon'n gard dan mon leker, tou son bann parol.

Proverb 8:19

Mon fri i meyer ki lor, menm lor pir, e fri ki mon raporte i vo plis ki larzan pir.

Proverb 24:13

Mon garson! Manz dimyel; i bon; dimyel ki koul depi gof i dou dan labous.

Psonm 63:5

Mon pou rasazye parey avek bann pli bon pla; mon pou selebre e sant louanz avek lazwa.

Revelasyon 10:10

Mon ti pran sa pti liv dan son lanmen e mon ti manz li. Dan mon labous, i ti dou koman dimyel, me kan mon ti'n aval li i ti vin anmer dan mon lestoma.