Psonm 18:7 - Labib An Kreol Seselwa

⁷ Alor, later ti tranble e ganny sekwe; bann fondasyon montanny ti osi tranble. Zot ti osi sekwe, akoz SENYER ti'n ankoler.

Psonm 18:7 Referans Kwoze

Akt de Zapot 4:31

Kan zot ti'n fini priye, landrwa kot zot ti'n reini ti sekwe. Zot tou, zot ti ranpli avek Lespri Sen e zot ti konmans anons mesaz Bondye san okenn lafreyer.

Matye 28:2

En kou angran, ti annan en gro tranblemandter: En lanz Senyer ti desann sorti dan lesyel. I ti'n roul sa ros e asiz lo la.

Zeremi 4:24

Mon ti gete: Bann montanny ti pe tranble, e bann kolin ti pe sekwe.

Ziz 5:4

SENYER! Ler ou ti sorti Seir, ler ou ti marse depi rezyon Edonm, later ti tranble, lapli ti tonbe, bann nyaz ti devers delo,

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

1 Korentyen 13:2

Mon kapab annan don profesi, lasyans tou bann mister ek tou konnesans; lafwa pour fer bann montanny deplase: Si mon napa lanmour, mon en nanryen ditou.

Zakari 14:4

Sa zour, i pou poz son lipye lo Montanny Zolivye ki lo kote Les Zerizalenm. Montanny Zolivye pou fann an de e form en gran vale dan direksyon Les-Was. Lanmwatye montanny pou rekil dan Nor e lot lanmwatye dan Sid.

Habakouk 3:10

Bann montanny i war ou, zot tranble avek lafreyer. Lapli i tonm avek lafors; losean i ronfle. I anvoy son laroul anler.

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.

Psonm 46:2

Pour sa rezon, nanryen pa pou fer nou per: Menm si i annan tranblemandter; menm si montanny i tranble dan milye lanmer;

Psonm 34:16

SENYER i tourn kont bann malfeter pour fer disparet zot non lo later.

Psonm 34:18

SENYER i pros avek sa enn ki'n dekouraze. I sov sa enn ki'n perdi tou lespwar.

Psonm 39:13

Donn mwan en letan repo. Les mwan trankil en moman pour mwan reganny mon sourir avan mon disparet pour touzour.

Psonm 40:2

I'n tir mwan dan dezespwar lanmor, dan labou san fon. I'n met mwan debout lo en ros; i'n fer mon lipye vin for.