Psonm 18:2 - Labib An Kreol Seselwa

² SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 18:2 Referans Kwoze

Psonm 144:2

I mon byenfeter, mon fortres, mon labri, mon liberater, mon boukliye ki donn mwan proteksyon. I fer mon pep soumet anba mon pouvwar.

Psonm 62:7

Mon delivrans ek mon laglwar i repoz lo Bondye mon pwisan protekter, mon labri.

Psonm 91:2

i kapab dir avek SENYER: Ou menm mon labri e mon fortres; ou menm mon Bondye dan ki mon'n met mon konfyans.

Psonm 19:14

Mon demann ou aksepte bann parol mon labous e panse mon leker. SENYER! Ou menm mon Ros protekter! Ou menm mon Sover!

Proverb 18:10

Non SENYER i en tour solid; i en proteksyon pour sa enn ki zis.

Psonm 62:2

Zis li mon Ros protekter e li tousel ki sov mwan, mon fortres; mon pa pou zanmen tonbe.

2 Samyel 22:3

I mon Bondye, mon ros protekter, kot mon an sekirite; mon boukliye, mon korn ki delivre mwan mon sitadel, mon refiz. Ou mon Sover ki protez mwan kont vyolans.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Ezai 32:2

Sakenn pou parey en labri kont divan, en refiz kont tanpet, parey bann sours delo dan landrwa sek, parey lonbraz en ros dan dezer.

Psonm 91:4

I ava kouver ou anba son lezel; ou ava ganny labri anba son bann plim. Son fidelite ava en boukliye e en zarm protekter pour ou.

Ebre 2:13

I ti osi dir: Mon pou met mon konfyans dan Bondye. E ankor: La mon la avek bann zanfan ki Bondye in donn mwan.

Proverb 2:7

I gard an rezerv bann resours pour dimoun ki drwat; i en boukliye pour bann ki viv onnetman.

Psonm 28:1

SENYER, mon apel ou! Mon Ros protekter, pa refize ekout mwan. Si ou pa reponn mwan, mon pou parey bann ki desann dan latonm.

Psonm 59:11

Pa touy zot, sinon mon pep ava oubliye. Par ou lafors, fer zot tranble e fer zot tonbe. SENYER! Nou boukliye.

Psonm 75:10

Bondye pou detri lorgey bann malfeter; me i pou fer ogmante pouvwar bann zis.

Psonm 132:17

La, mon pou fer sorti en gran lerwa dan fanmir David. Mon pou prepar en lalanp pour sa enn ki mon'n konsakre.

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Psonm 116:1

Mon kontan SENYER akoz in antann mon lavwa ek mon siplikasyon.