Psonm 17:10 - Labib An Kreol Seselwa

¹⁰ Zot leker i san okenn pitye. Zot labous i koz avek larogans.

Psonm 17:10 Referans Kwoze

1 Samyel 2:3

Aret koz parol arogan; pa les parol ensolan sorti dan ou labous, akoz SENYER i en Bondye ki konn tou. I ziz tou aksyon ki dimoun i fer.

Psonm 123:4

Nou'n rasazye avek lensilt bann ensolan, avek lensolans ek imilyasyon bann arogan.

Psonm 31:18

Ferm labous sa bann manter ki koz avek ensolans, avek larogans ek mepri kont bann ki zis.

Matye 13:15

Leker sa pep in vin ensansib; zot in bous zot zorey e zot in ferm zot lizye, pour zot pa war avek zot lizye, pour zot pa tande avek zot zorey, e pour zot pa konpran avek zot leker, pour ki zot pa retourn kot mwan pour mwan geri zot.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

Akt de Zapot 28:27

Leker sa pep in vin ensansib. Zot in bous zot zorey, e zot in ferm zot lizye, pour zot lizye pa war, pour zot zorey pa tande, e pour zot leker pa konpran, pour ki zot pa retourn kot mwan pour mwan geri zot.

Ezai 6:10

Angourdi leker sa pep. Rann zot sourd! Rann zot aveg, pour ki zot pa war avek zot lizye, pa antann avek zot zorey e konpran avek zot leker! Zot pa ava retourn kot mwan e ganny geri!

Psonm 119:70

Zot leker i ensansib, kouver avek lagres; me mon pran plezir dan ou lalwa.

Liv Zob 15:27

Son figir in gonfle avek lagres; son laans in vin gra.

Egzod 15:9

Lennmi ti dir: Mon pou pourswiv zot, mon pou ganny zot. Mon pou ganny en par dan piyaz lager e mon pou rasazye. Mon pou tir mon lepe e mon pour detri zot.

Egzod 5:2

Faraon ti dir, “Lekel li sa SENYER pour ki mon devre ekoute e les pep Izrael ale? Mon pa konn sa SENYER. Mon pa pou les pep Izrael ale.”

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.