Psonm 16:6 - Labib An Kreol Seselwa

⁶ Mon kontan tou sa ki ou'n donn mwan. Porsyon ki mon gannyen i pli zoli.

Psonm 16:6 Referans Kwoze

Zeremi 3:19

SENYER i deklare: Mon ti'n deside plas ou parmi bann garson prefere e donn ou en zoli pei, pei ki pli zoli omonn. Mon'n oule ki zot apel mwan Papa e ava reste fidel anver mwan.

Efezyen 1:18

Mon priye pour ki i ouver zot lizye ver lalimyer, pour ki zot konpran sa lesperans ki i'n ofer zot; grander larises sa leritaz merveye ki i'n rezerve pour bann kretyen;

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Psonm 78:55

I ti sas bann nasyon devan zot. I ti partaz pei e donn sakenn son par e enstal bann tribi Izrael dan zot latant.

Romen 8:17

E si nou son bann zanfan, alor, nou osi son bann zeritye: Zeritye Bondye, e zeritye ansanm avek Kris, akoz si nou soufer avek li, nou pou osi ganny glorifye avek li.

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.

2 Timote 2:12

Si nou persevere, avek li nou pou rennyen. Si nou rezet li, li osi i pou rezet nou.

Levanzil dapre Zan 20:17

Zezi ti dir li, “Pa tous mwan, akoz mon pa ankor mont kot Papa. Me al kot mon bann frer, dir zot ki mon pe al kot mon Papa ki osi zot Papa, mon Bondye, ki osi zot Bondye.”

Amos 7:17

Alor, la sa ki SENYER i deklare: Ou fanm pou vin en prostitye dan lavil; ou bann zanfan pou mor dan lager; ou later pou ganny arpante e partaze. Ou menm, ou pou mor dan en pei etranze e pep Izrael pou ganny deporte lwen avek zot pei.”

Psonm 61:6

Donn lerwa en long lavi. Fer li viv ankor pandan plizyer zenerasyon,