Psonm 16:5 - Labib An Kreol Seselwa

⁵ SENYER! Ou menm mon soutyen pour tou sa ki mon bezwen. Mon lavi i dan ou lanmen.

Psonm 16:5 Referans Kwoze

Psonm 73:26

Mon lekor ek mon leker i'n fatige. Me Bondye i lafors mon leker, mon par patrimwann pour touzour.

Psonm 142:5

SENYER! Mon kriy ver ou. Mon dir: Ou menm mon labri, ou menm mon posesyon lo sa later.

Lamantasyon 3:24

Mon dir: SENYER i mon sel trezor. Alor, mon met tou mon lespwar dan li.

Psonm 23:5

Ou dres en latab devan mwan an fas mon bann lennmi. Ou vers delwil parfimen lo mon latet; mon lakoup i deborde.

Psonm 119:57

SENYER! Ou mon par. Mon promet gard ou bann parol.

Deterononm 32:9

SENYER ti swazir son pep koman son par, desandan Zakob pour son patrimwann.

Psonm 89:4

Mon pou veye ki ou ava touzour annan enn ou desandan lo tronn.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Ezai 53:12

Pour sa rezon ki mon pou donn li en par avek bann gran. I ava ganny en parti larises bann lennmi. I'n depouy li ziska lanmor e i ti'n ganny plase parmi bann bandi. Sepandan, i'n pran lo li pese en kantite dimoun e pled pour bann kriminel.

Psonm 116:13

Mon pou lev lakoup delivrans; mon pou apel SENYER par son non.

Psonm 9:4

Annefe, la lo ou tronn, ou rann en zizman ki zis e ou'n donn mwan rezon.

Akt de Zapot 5:31

Bondye in elev li lo son kote drwat e i'n etabli li koman Sef ek Sover pour donn pep Izrael lokazyon pour sanz zot lavi e resevwar pardon zot pese.

Psonm 132:11

SENYER in fer sa serman avek David; en serman ki i pa pou sanze: Mon pou met enn ou bann zanfan lo ou tronn.

Psonm 2:6

Mwan ki'n etabli mon lerwa lo Siyon, mon montanny sen.

1 Korentyen 15:25

Annefe, fodre ki Kris i rennyen ziska ki i'n met tou son bann lennmi anba son lipye.

Psonm 125:3

En gouvernman malonnet pa pou touzour domin lo posesyon bann zis. Konmsa, dimoun ki zis pa pou tonm dan lemal.

Psonm 11:6

I pou fer tonm en lapli labrez sarbon ek souf lo bann malfeter. I pou soufle en divan tanpet.

Efezyen 5:18

Pa bezwen soul zot avek diven, akoz sa pou zis antrenn zot dan en lavi dezordonnen. O kontrer, zot devre ranpli avek Lespri Sen.

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Akt de Zapot 2:32

Sa Zezi, Bondye in resisit li, e nou tou, nou temwen.

Deterononm 18:2

Zot pa pou ganny okenn par avek lezot manm zot kominote. SENYER ki zot patrimwann, parey i'n dir zot.

Zozye 22:25

SENYER in met larivyer Zourden koman en frontyer ant nou ek zot, bann Ribenit ek bann Gadit. Zot napa okenn par avek SENYER. Akoz zot zanfan, ki nou zanfan in aret annan respe anver SENYER.

Zozye 22:27

me pour servi temwen ant nou ek zot, e ant nou bann desandan. Par sa, zot ava konnen ki nou osi, nou pe servi SENYER, par nou bann sakrifis konplet, lezot sakrifis, bann sakrifis lape. Konmsa, demen, zot bann zanfan pa pou dir avek nou bann zanfan ki zot napa okenn par avek SENYER.