Psonm 16:10 - Labib An Kreol Seselwa

¹⁰ Ou pa pou abandonn mwan dan lemonn lanmor. Ou pa pou les ou zanmi fidel fini dan lafos.

Psonm 16:10 Referans Kwoze

Psonm 49:15

Me Bondye pou sov mon lavi dan pouvwar lanmor, akoz i pou delivre mwan.

Revelasyon 1:18

sa enn ki vivan. Mon ti'n mor, me la mon vivan pour touzour. Mon posed lakle lanmor ek lakle lemonn lanmor.

Revelasyon 20:13

Lanmer ti rann son bann mor. Lanmor ek lemonn lanmor ti rann zot bann mor, e zot tou, zot ti ganny zize dapre bann aksyon ki zot ti'n fer.

Levanzil dapre Lik 16:23

Dan lemonn lanmor kot i ti ete, i ti pe soufer bokou. I ti lev lizye e i ti war Abrahanm dan lwen ek Lazar obor li.

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Ezai 14:9

Lemonn lanmor i la pour akey ou ler ou vini. Dan lemonn lanmor, bann mor pe leve pour akey ou; pour akey tou bann dirizan lo later. I fer leve lo zot tronn tou lerwa bann nasyon.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

1 Korentyen 15:42

Sa i parey kan bann mor pou resisite. En lekor i ganny antere mortel, e kan i resisite, i pou imortel.

Nonm 6:6

Pandan letan ki i'n met li apar pour SENYER, i pa devre al obor en kadav.

Levitik 19:28

Pa fer mark dan zot lapo an siny dey, ni fer okenn tatouaz lo zot lekor. Mwan menm SENYER.

Levanzil dapre Lik 4:34

“Ki ou pe rode avek nou, Zezi ki sorti Nazaret? Eski ou'n vin isi pour detri nou? Mon konnen ki ou ete: Ou menm sa Zonm Sen ki sorti kot Bondye.”

Amos 9:2

Si zot al kasyet parmi bann dimoun mor, mon pou al sers zot. Si zot mont ziska dan lesyel, mon pou fer zot desann.

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Ezai 5:14

Alor, lapeti lemonn lanmor in ogmante e in ouver son labous byen gran; bann gran zans dan Zerizalenm e popilasyon antye lavil pou desann; ansanm, zot pou al dan zot tapaz lafet.

Proverb 27:20

Parey ki lemonn lanmor ek lemonn bann defen pa zanmen rasazye, lizye zonm osi pa zanmen satisfe.

Proverb 15:11

SENYER i konnen sa ki pase dan lemonn lanmor; me i konn plis, sa ki pase dan leker imen.

Psonm 139:8

Si mon mont dan lesyel, ou la. Si mon desann dan lemonn lanmor, ou la.

Psonm 9:17

Bann malfeter pou al dan lemonn lanmor, parey tou bann nasyon ki oubliy Bondye.

Liv Zob 11:8

I pli gran ki lesyel! Ki ou kapab fer? I pli profon ki lemonn lanmor! Ki ou kapab konnen?