Psonm 148:4 - Labib An Kreol Seselwa

⁴ Loue li! Lesyel ki lao e bann delo ki par lao lesyel.

Psonm 148:4 Referans Kwoze

1 Rwa 8:27

Me eski Bondye pou vreman reste lo later? Menm lesyel dan tou son grander, pa kapab kontenir ou; alor ankor mwen, sa lakaz ki mon'n konstri.

Zenez 1:7

Bondye ti separ delo an de parti: Bann delo ki ti anba avek bann delo ki ti lao. Sa ti arive.

Deterononm 10:14

Lesyel ek tou sa ki ladan, later osi ek tou sa ki ladan i pour SENYER, ou Bondye.

Nehemi 9:6

Zis ou, SENYER, zis ou ki'n fer lesyel, lesyel ki par lao lesyel, e tou sa ki i annan, later avek tou sa ki i kontenir, lanmer e tou sa ki ladan. Ou donn zot tou lavi. Liniver antye i ador ou.

2 Korentyen 12:2

Mon konn en zonm kretyen ki, 14 an pase, ti ganny anmennen ziska trwazyenm lesyel. Si i ti mont avek son lekor oubyen san son lekor, sa mon pa konnen, Bondye ki konnen. Sa zonm ti monte ziska trwazyenm lesyel.

Psonm 113:6

Depi lao, i bese pour li war lesyel ek later.

Psonm 104:3

In poz fondasyon son gran demer lo delo. I fer nyaz vin son kales; i avans lo lezel divan.

Psonm 68:33

Atraver lesyel lo son kales, i fer tande son lavwa pwisan.

Zenez 7:11

Lannen ki Noe ti ganny 600 an, disetyenm zour dan dezyenm mwan, tou bann rezervwar delo souteren ti kase e bann lafnet dan lesyel ti ouver gran.

Zenez 1:6

Alor, Bondye ti dir: I ava annan en twa pour separ bann delo!

2 Kronik 2:5

Sa tanp ki mon pou konstri i devret gran, akoz nou Bondye i pli gran ki tou lezot bondye.

Psonm 69:35

akoz Bondye pou sov Zerizalenm. I pou rekonstri bann lavil dan Zida. Son pep pou vin viv la e sa pei ava pour zot.