Psonm 146:7 - Labib An Kreol Seselwa

⁷ I azir dapre lazistis an faver bann ki ganny kraze; i donn manze sa enn ki lafen. SENYER i delivre bann prizonnyen.

Psonm 146:7 Referans Kwoze

Psonm 103:6

SENYER i azir avek lazistis; i defann drwa bann ki ganny abize.

Psonm 68:6

Bondye i donn en fanmir sa enn ki tousel. I ouver laport laliberte pour bann prizonnyen. Me bann ki revolte i viv dan en later sek.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Levanzil dapre Lik 4:18

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen,

Psonm 10:18

pour ou etabli lazistis an faver bann orfelen ek sa enn ki ganny kraze. Konmsa, personn lo later pa pou kapab senm lafreyer ankor.

Psonm 142:7

Delivre mwan dan prizon pour mwan kapab loue ou non. Dimoun zis ava antour mwan akoz ou fer mwan bokou dibyen.

Akt de Zapot 16:26

Toutakou ti annan en gran tranblemandter ki ti sekwe menm fondasyon prizon. Tou bann laport ti ouver e lasenn bann prizonnyen ti tonbe.

Akt de Zapot 5:19

Me pandan lannwit, en lanz Senyer ti ouver laport prizon e fer bann zapot sorti. I ti dir zot,

Levanzil dapre Lik 9:17

Tou dimoun ti manze ziska zot ti rasazye. Apre, zot ti anmas bann morso ki ti reste. Zot ti ranpli 12 pannyen.

Levanzil dapre Lik 1:53

I'n donn bann ki lafen, bon keksoz annabondans. I'n fer bann ris retourn lanmen vid.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Zeremi 31:14

Mon pou nouri bann pret avek bokou lavyann gra. Mon pep pou rasazye avek mon bann byenfe, SENYER i deklare.

Ezai 9:4

Akoz ou'n tir sa fardo ki ti peze lo ledo ou pep, baton bann diktater ki ti pe bles zot zepol, sa mayos ki zot ti pe ganny bise avek, ozordi, ou'n kas tousala, parey zour ou ti bat bann Madyanit.

Psonm 136:25

I donn manze tou bann kreatir; son fidelite i dire pour touzour.

Psonm 72:4

Lerwa ava defann lakoz bann pov, ed dimoun ki dan bezwen e kraz bann eksplwater.

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 9:16

SENYER in montre ki i ete. Dan son zizman, in fer bann move dimoun pri dan zot prop latrap.

Psonm 35:10

Dan pli profon mon leker, mon pou dir: SENYER! Napa personn parey ou! Ou protez sa enn ki feb, kont sa enn ki for. Ou protez sa enn ki pov e ki ganny imilye, kont sa bann ki eksplwat li.

Psonm 68:7

Mon Bondye! Ler ou ti kondwir ou pep, ler ou ti mars devan zot dan dezer,