Psonm 142:7 - Labib An Kreol Seselwa

⁷ Delivre mwan dan prizon pour mwan kapab loue ou non. Dimoun zis ava antour mwan akoz ou fer mwan bokou dibyen.

Psonm 142:7 Referans Kwoze

Psonm 143:11

SENYER! Pour loner ou non, prezerv mon lavi. Dan ou lazistis tir mwan dan maler.

Psonm 146:7

I azir dapre lazistis an faver bann ki ganny kraze; i donn manze sa enn ki lafen. SENYER i delivre bann prizonnyen.

Psonm 13:6

Mon pou sant pour mon SENYER akoz in fer mwan bokou dibyen.

Let Zak 5:11

Nou deklar zot byennere akoz zot i'n reste fidel. Zot in antann koz lo pasyans Zob. Zot in war sa ki Senyer in fer pour li alafen. Annefe, Senyer i ranpli avek labonte ek konpasyon.

Akt de Zapot 2:24

Me Bondye ti resisit li, e delivre li dan soufrans lanmor. Annefe ti enposib pour lanmor gard li anba son pouvwar.

Ezai 61:1

Lespri Senyer BONDYE i repoz lo mwan, SENYER in konsakre mwan; in anvoy mwan anmenn bonn nouvel kot bann ki'n ganny imilye; geri bann leker brize, proklanm delivrans pour bann prizonnyen rann laliberte bann ki dan prizon,

Psonm 9:14

pour mwan rakont devan laport Zerizalenm tou bann mervey ki ou'n fer. Mon pou danse dan lazwa, akoz ou'n delivre mwan.

Psonm 142:1

Avek tou mon lafors, mon kriy ver SENYER. Avek tou mon lafors, mon sipliy SENYER.

Psonm 119:17

Montre ou serviter ou labonte, pour ki i gard ou parol.

Psonm 116:7

Mon retrouv mon repo, akoz SENYER in fer mwan bokou dibyen.

Psonm 119:74

Sa enn ki obei ou i kontan ler i war mwan, akoz mon'n met lespwar dan ou parol.

Psonm 34:2

Mon met mon lafyerte dan SENYER. Bann pov ava antann e zot ava dan lazwa!

Psonm 31:8

Ou pa'n livre mwan dan lanmen mon lennmi. Ou'n rann mwan lib.

Psonm 9:3

Dan ou prezans, mon bann lennmi i rekile; zot tonbe e ganny detri.

Psonm 38:20

Sa bann ki rann dimal pour dibyen, zot akiz mwan akoz mon esey fer sa ki byen.

Psonm 143:9

SENYER! Sov mwan kont mon bann lennmi. Mon'n sov kot ou, pour mwan ganny en labri.