Psonm 141:1 - Labib An Kreol Seselwa

¹ SENYER! Mon apel ou. Vin vit kot mwan. Ekout mwan kan mon apel ou.

Psonm 141:1 Referans Kwoze

Psonm 70:5

Mwan, mon en pov dan bezwen; Mon Bondye pa oubliy mwan! SENYER! Ou mon sekour e mon liberater, pa tarde!

Psonm 71:12

Mon Bondye! Pa reste lwen avek mwan. Mon Bondye! Vit, vin delivre mwan.

Psonm 143:7

SENYER! Reponn mwan vit. Mon lespri i trouble. Pa detourn ou vizaz avek mwan, sinon mon pou parey sa bann ki desann dan lemonn lanmor.

Psonm 40:13

SENYER! Delivre mwan. Pa tarde pour sekour mwan.

Psonm 22:19

Me ou SENYER! Pa reste lwen avek mwan. Ou ki mon lafors! Vin vit pour sekour mwan.

Psonm 143:1

SENYER! Ekout mon lapriyer. Dan ou fidelite, port atansyon lo mon bann siplikasyon. Dan ou bonte, reponn mwan.

Liv Zob 7:21

Akoz ou pa pardonn mon pese, e efas mon fot? Byento mon pou desann dan lapousyer; ou ava rod mwan, me mon pou nepli la.

Psonm 28:2

Ekout mon siplikasyon kan mon kriy ver ou. Mon lev mon lanmen ver ou, dan ou sanktyer sen.

Psonm 70:2

Kouver sa bann ki oule touy mwan avek laont ek konfizyon. Fer rekile avek dezoner sa bann ki swet mon maler.