Psonm 14:3 - Labib An Kreol Seselwa

³ Zot tou, zot in egare; zot tou, zot in koronpi. Personn pa fer sa ki byen, pa menm en sel.

Psonm 14:3 Referans Kwoze

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Ezai 64:6

Nou tou, nou'n fer pese e tou nou bann bon aksyon, i parey en lenz sal. Nou tou, nou'n fletri parey en fey e nou bann pese i fer nou anvole dan divan.

Romen 3:23

Annefe, tou dimoun in fer pese e in perdi mazeste Bondye.

Psonm 14:1

Bann fou i dir dan zot leker: Napa Bondye. Zot koronpi. Zot fer bann aksyon degoutan. Personn pa fer sa ki byen.

Liv Zob 14:4

Lekel ki kapab fer sa ki pir sorti dan sa ki enpir? Personn pa kapab.

Psonm 58:3

Depi dan vant zot manman, bann malfeter i pratik sa ki mal. Depi zour zot nesans, zot in pran move semen e zot manter.

Efezyen 2:3

Nou tou, nou ti parey zot avan: Nou ti pe viv dapre pasyon nou prop natir; nou ti swiv bann dezir nou lekor ek nou lespri. Pour sa rezon, par natir, nou ti bann zanfan lakoler parey tou lezot imen.

Psonm 143:2

Pa ziz ou serviter, akoz napa personn ki zis devan ou.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Zeremi 2:13

Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Psonm 119:176

Mon'n egare parey en mouton ki'n perdi semen. Vin rod ou serviter, akoz mon pa oubliy ou bann komannman.

Eklezyas 7:29

Selman, la sa ki mon'n dekouver: Se ki Bondye in fer et imen drwat, me se zot ki'n rod konplikasyon.

Psonm 38:5

Akoz mon bann betiz, mon bann boubou i pi e enfekte.

Deterononm 1:35

Personn, pa enn dan sa zenerasyon pervers pou war sa bon pei ki mon'n promet donn zot bann zanset,

1 Korentyen 6:5

Mon dir sa pour zot prop laont. Eski napa parmi zot omwen en zonm ase saz ki kapab regle dispit ant frer?

Liv Zob 15:16

ki mannyer i pou met son konfyans dan en et imen ki degoutan e koronpi, ki komet lemal konmsi i pe bwar delo?

Egzod 12:30

Faraon avek tou bann serviter ek tou bann Ezipsyen ti leve dan lannwit. Ti annan en gran leokri dan Lezip, akoz ti annan lanmor dan tou lakaz.

Egzod 8:31

SENYER ti fer dapre sa ki Moiz ti demann li: I ti retir bann lesen mous kot Faraon, kot son lantouraz e kot son pep. Pa ti reste en sel mous.

Zenez 6:12

Bondye ti war ki later ti'n koronpi.

Eklezyas 7:20

Lo later, napa en sel zis, ki fer zis sa ki byen san komet en pese.