Psonm 139:24 - Labib An Kreol Seselwa

²⁴ Gete si mon lo bon semen e gid mwan lo semen leternite.

Psonm 139:24 Referans Kwoze

Psonm 143:10

Ansenny mwan pour fer ou lavolonte, akoz ou mon Bondye. Par ou bon lespri, kondwir mwan lo en semen kot napa danze.

Psonm 5:8

SENYER! Akoz mon bann lennmi, gid mwan dan ou lazistis. Fer disparet tou danze lo semen ki ou'n trase pour mwan.

Psonm 119:32

Mon depese swiv semen ou bann komannman, akoz ou'n ouver mon lespri.

Psonm 16:11

Ou fer mwan konn semen lavi. I annan labondans lazwa dan ou prezans. Pre avek ou, lakontantman pa zanmen fini.

Psonm 143:8

Depi granmaten, anons mwan ou fidelite akoz mon fer ou konfyans. Fer mwan konnen ki semen mon devre swiv, akoz mon tourn ver ou.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Proverb 28:26

Sa enn ki fer konfyans dan son prop zizman, i en fou; Me sa enn ki les li kondwir par lasazes, ava ganny delivre dan danze.

Matye 7:14

Me laport e semen ki anmenn ver lavi i etrwat e difisil. Napa bokou ki trouv li.

Kolosyen 2:6

Alor, parey ki zot in aksepte Zezi-Kri koman Senyer, kontinyen reste atase avek li.

Psonm 17:3

Ou konn fon mon leker. Dan lannwit ou'n vey lo mwan. Menm si ou'n teste mwan, ou pa'n war nanryen mal. Dan mon labous pa'n sorti nanryen ki move.

Psonm 119:1

Byennere sa bann ki annan en konportman san defo e ki mars dapre lalwa SENYER.

Proverb 15:9

SENYER i deteste mannyer fer en malfeter; me i kontan sa enn ki rod lazistis.

Psonm 27:11

SENYER! Montre mwan ou semen. Akoz mon bann lennmi, kondwir mwan lo en semen san danze.