Psonm 139:23 - Labib An Kreol Seselwa

²³ Mon Bondye! Teste mwan e ou ava konnen ki mon annan lo mon leker. Egzamin mwan e ou ava dekouver mon lentansyon.

Psonm 139:23 Referans Kwoze

Psonm 26:2

Teste mwan, SENYER! Egzamin mwan, mon lespri ek mon leker.

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

Liv Zob 31:6

mon demande ki Bondye i ziz mwan e rekonnet mon linosans.

Proverb 17:3

Dife i teste lor ek larzan; me SENYER i sond leker.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Psonm 139:1

SENYER! Ou'n egzamin mwan e ou konn mwan.

Zeremi 11:20

Alor mon ti priye: SENYER liniver! Ou ziz dimoun avek lazistis. Ou ki egzamin sekre konsyans ek leker tou dimoun. Mon'n met mon ka dan ou lanmen. Mon pou war ou fer revanz lo zot.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Deterononm 8:16

Dan dezer ki ou bann zanset pa ti konnen, i ti donn ou lamann pour manze, pour li imilye ou e teste ou, e alafen, pour ou prop dibyen.

Psonm 11:4

SENYER i dan son tanp sen. Lo son tronn dan lesyel, i obzerv later ek son bann zabitan.

Psonm 11:5

SENYER i teste dimoun ki zis. I deteste sa enn ki kontan vyolans.

Psonm 17:3

Ou konn fon mon leker. Dan lannwit ou'n vey lo mwan. Menm si ou'n teste mwan, ou pa'n war nanryen mal. Dan mon labous pa'n sorti nanryen ki move.