Psonm 139:13 - Labib An Kreol Seselwa

¹³ Ou ki'n kree tou mon bann lorgann. Ou'n trikot mwan dan vant mon manman.

Psonm 139:13 Referans Kwoze

Zeremi 1:5

“Avan menm ki mon ti form ou dan vant ou manman, mon ti konn ou. Avan ki ou ti sorti dan son vant, mon'n konsakre ou. Mon'n met ou apar e swazir ou koman profet pour bann nasyon.”

Psonm 119:73

Ou lanmen in form mwan e in fer mwan for. Donn mwan disernman pour mwan aprann ou bann komannman.

Ezai 44:2

La sa ki SENYER ki'n fer ou, ki'n form ou dan vant ou manman e ki pou ed ou, i deklare: Zakob mon serviter! Pa per. Yesouroun! Ou, ki mon'n swazir!

Liv Zob 31:15

Menm Bondye ki ti kre mwan, i'n osi kre mon bann travayer.

Ezai 46:3

Tribi Zakob! Ekout mwan. Zot tou bann restan pep Izrael, zot ki mon'n pran swen depi dan vant zot manman, depi zot nesans.

Psonm 71:6

Depi dan vant mon manman mon kont lo ou. Ou ki'n tir mwan dan vant mon manman. Toultan, mon pou sant ou louanz.

Psonm 95:6

Vini! Annou ador li e prosternen devan li. Annou met nou azenou devan SENYER, nou Kreater.

1 Korentyen 12:17

Si lekor antye ti lizye, ki mannyer i ti pou fer pour tande? Oubyen, si i ti zis zorey, ki mannyer i ti pou fer pour santi?