Psonm 139:12 - Labib An Kreol Seselwa

¹² Menm teneb pa ase epe pour ou. Lannwit i osi kler ki lizour, teneb i parey lalimyer pour ou.

Psonm 139:12 Referans Kwoze

Danyel 2:22

I revel bann keksoz ki profon e bann ki sekre, I konnen sa ki kasyet dan fernwanr, akoz i antoure avek lalimyer.

Liv Zob 34:22

Napa okenn kwen ki tro fernwanr kot malfeter i kapab kasyet.

Egzod 20:21

Lepep ti debout lwen pandan ki Moiz ti apros kot Bondye ti ete dan sa nyaz epe.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

Liv Zob 26:6

Devan Bondye lemonn lanmor napa sekre; nanryen pa kapab ganny kasyet devan son lizye.

Egzod 14:20

I ti plas li ant kan bann Ezipsyen ek kan bann Izraelit. Sa nyaz ti fernwanr en kote; me lot kote ti kler dan lannwit. Zot pa ti apros kanmarad pandan lannwit.