Psonm 133:3 - Labib An Kreol Seselwa

³ I parey laroze lo montanny Hermon, ki desann lo bann kolin Siyon, la kot SENYER i donn son benediksyon, lavi pour touzour.

Psonm 133:3 Referans Kwoze

Deterononm 28:8

Benediksyon SENYER, ou Bondye ava avek ou bann provizyon ki ou'n anmase, e avek tou sa ki ou ava antreprann. I ava beni ou dan sa pei ki SENYER, ou Bondye pe donn ou.

Psonm 42:8

Lizour, SENYER i montre mwan son fidelite. Aswar, mon sant pour li, mon priy Bondye ki donn mwan lavi.

Levitik 25:21

Pandan sizyenm lannen, mon pou donn zot mon benediksyon ki ava prodwir rekolt neseser pour 3 an.

Deterononm 4:48

Bann Izraelit ti osi okip Aroer, obor larivyer Arnon, ziska montanny Sirionn, ki ti osi apel Hermon,

1 Zan 5:11

La sa temwannyaz: Bondye in donn nou lavi eternel, e sa lavi i dan son Garson.

Romen 5:21

Ensi, pese in rennyen par son pouvwar lanmor. Demenm, lagras i renny par lazistis pour lavi eternel par Zezi-Kri nou Senyer.

Mise 5:7

Leres desandan Zakob, parmi bann nasyon nonbre, ava parey en laroze ki sorti kot SENYER, parey en zanbren lapli lo zerb, e ki pa depann lo okenn imen. Zot pa esper nanryen sorti kot personn.

Psonm 16:11

Ou fer mwan konn semen lavi. I annan labondans lazwa dan ou prezans. Pre avek ou, lakontantman pa zanmen fini.

Romen 6:23

Annefe, lapey pour pese i lanmor, me don gratwi ki Bondye i donnen, i lavi eternel dan linyon avek Zezi-Kri, nou Senyer.

Levanzil dapre Zan 6:68

Simon Pyer ti reponn li, “Senyer, kote nou pou ale? Ou annan parol ki donn lavi eternel.

Levanzil dapre Zan 5:29

e zot pou sorti: Bann ki'n fer sa ki byen, pou resisite pour lavi; me bann ki'n fer sa ki mal, pou resisite pour resevwar kondannasyon.”

Zozye 13:11

Galaad, teritwar bann Gesourit avek bann Maakatit, rezyon montanny Hermon antye, Basann antye ziska Salka;

Revelasyon 1:18

sa enn ki vivan. Mon ti'n mor, me la mon vivan pour touzour. Mon posed lakle lanmor ek lakle lemonn lanmor.

1 Zan 2:25

Promes ki i'n fer nou, se lavi eternel.

Proverb 19:12

Lakoler en lerwa i parey gronnyman en zenn lyon; me son labonte i parey laroze lo zerb.

Psonm 21:4

I ti demann ou lavi e ou'n donn li; en lavi ki dire pour lontan e touzour.

Levanzil dapre Zan 5:24

Mon dir zot, sa i laverite: Tou dimoun ki ekout mon parol e krwar dan sa enn ki'n anvoy mwan, i posed lavi eternel. I pa pou ganny kondannen; i'n deza sorti dan lanmor e pas dan lavi eternel.

Levanzil dapre Zan 4:14

Me sa enn ki bwar delo ki mwan mon pou donn li, i pa pou zanmen swaf. Sa delo ki mon pou donn li, pou vin en sours lavi eternel ki pou koul annabondans.”

Psonm 21:5

Gras a ou led, son laglwar in vin gran; i'n ganny kouver avek splander ek mazeste.