Psonm 133:1 - Labib An Kreol Seselwa

¹ I bon, i gou war bann frer viv ini ansanm.

Psonm 133:1 Referans Kwoze

1 Pyer 3:8

Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.

1 Korentyen 1:10

Mon bann frer ek ser! Mon demann zot lo non Zezi-Kri nou Senyer: Met zot byen dakor ansanm; pa les okenn divizyon egziste parmi zot. Reste byen ini ansanm dan en menm mannyer panse e menm konviksyon.

Levanzil dapre Zan 13:35

Si zot kontan kanmarad, dimoun ava war ki zot mon bann disip.”

Ebre 13:1

Kontinyen kontan kanmarad koman bann frer ek ser.

Levanzil dapre Zan 17:21

Mon priye pour ki zot tou, zot ava vin en sel. Parey ou mon Papa, ou dan mwan e mwan mon dan ou; ki zot osi, zot ava dan nou. Konmsa, lemonn ava krwar ki ou ki'n anvoy mwan.

Zeremi 32:39

Mon pou donn zot en sel leker e en sel mannyer viv ki ava fer zot annan respe pour mwan, pour touzour. Sa i ava pour zot prop boner e osi pour boner zot bann desandan.

Zenez 13:8

Alor, Abranm ti dir Lot, “Fodre pa ki i annan dispit ant ou ek mwan, ant ou bann berze ek mon bann berze, akoz nou fanmir.

Zenez 45:24

Apre, i ti les son bann frer ale, e kan zot ti pe ale, i ti dir zot, “Pa lager dan semen.”

Ezai 11:6

Loulou pou viv avek mouton, leopar pou dormi obor kabri. Pti bef pou manz ansanm avek lyon e en pti zanfan ava diriz zot.

Psonm 131:1

SENYER! Dan mon leker napa lorgey, mon lizye napa pretansyon. Mon pa esey fer keksoz ki depas mwan.

Ezai 11:13

Efraim pou nepli zalou, bann lennmi Zida pou ganny detri. Efraim pou nepli zalou Zida e Zida pou nepli lennmi Izrael.

Psonm 122:1

Mon ti dan lazwa kan zot ti dir mwan: Annou al dan tanp SENYER.

Ezai 11:9

Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Psonm 124:1

Si SENYER pa ti dan nou kote, Izrael! Repete!

Mark 3:25

Si en fanmir i divize kont li menm, i pa pou kapab tenir.