Psonm 128:2 - Labib An Kreol Seselwa

² Ou pou profit rezilta travay ou lanmen; Ou pou ere e ou pou prospere.

Psonm 128:2 Referans Kwoze

Ezai 3:10

Dir sa ki inosan koman i ere, akoz i pou rekolte fri son travay.

Ezai 62:8

SENYER in fer serman par son lanmen drwat; par son lebra pwisan i donn garanti: Mon pa pou donn ankor lennmi ou dible pour zot manze; bann etranze pou nepli bwar ou diven ki ou'n fatige pour fer.

Deterononm 28:4

SENYER ava beni ou bann zanfan, ou bann rekolt, ou troupo; i pou ogmant ou troupo bef ek ou troupo mouton.

Deterononm 28:11

SENYER ava fer ou prospere. I ava donn ou bokou zanfan, ogmant ou bann troupo, ek prodwi ou later, dan sa pei ki SENYER in fer serman avek ou bann zanset pour donn ou.

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.

Efezyen 6:3

Pour ki ou ava viv ere e lontan lo later.

Zeremi 22:15

Lefe ki ou konstri lakaz avek dibwa sed pa fer ou en pli bon lerwa. Ou papa ti manze, bwar parey tou dimoun. Me i ti pratik lazistis, i ti en zonm drwat. Tou keksoz ti mars byen pour li.

Ezai 65:13

Alor, la sa ki Senyer BONDYE i deklare: Mon bann serviter pou manze, me zot, zot pou reste lafen. Mon bann serviter pou bwar, me zot, zot pou kontinyen swaf. Mon bann serviter pou dan lazwa, me zot, zot pou dan laont.

Deterononm 28:51

Sa nasyon ava manz prodwi ou bann troupo, prodwi ou later, ziska ki ou ganny detri. I ava les ou san semans, diven, delwil, ni zenn bef, ni zenn mouton, ni zenn kabri, ziska ki i'n fer ou disparet.

Deterononm 28:39

Ou ava plant rezen e kiltiv li, me ou pa pou gout son diven; ou pa pou rekolte son fri, akoz lever pou manz tou.

Zenez 3:19

Ou pou bezwen trimouse pour ganny ou nouritir ziska ki ou retourn dan lapousyer, kot ou sorti. Annefe, ou'n ganny tire dan lapousyer, ou pou retourn dan lapousyer.”

Psonm 109:11

Dimoun ki i dwa ava sezi tou son byen. Bann etranze ava sezi tou sa ki i annan.

Deterononm 28:8

Benediksyon SENYER, ou Bondye ava avek ou bann provizyon ki ou'n anmase, e avek tou sa ki ou ava antreprann. I ava beni ou dan sa pei ki SENYER, ou Bondye pe donn ou.

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.