Psonm 12:5 - Labib An Kreol Seselwa

⁵ SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 12:5 Referans Kwoze

Psonm 34:6

Kan en malere i kriye, SENYER i antann li. I delivre li dan tou son detres.

Proverb 14:31

Sa enn ki oprim en pov i ensilte son Kreater; sa enn ki sekour en pov i onor SENYER.

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.

Ezai 33:10

SENYER i deklare: Aprezan mon pou azir, aprezan mon pou leve, mon pou montre mon grander.

Liv Zob 5:15

Me Bondye i sov bann pov kont lepe zot labous, i tir zot dan lanmen bann pwisan.

Psonm 10:12

Leve SENYER! Mon Bondye! Lev ou lanmen. Pa oubliy bann malere!

Liv Zob 5:21

Ou pou ganny proteze kont bann mansonz; ou pa bezwen per kan maler i vini.

Ezai 19:20

Sa i pou en siny e en temwannyaz anver SENYER liniver dan pei Lezip. Ler zot ava kriy ver SENYER akoz lopreser, i pou anvoy zot en sover, i pou defann zot e delivre zot.

Ezekyel 18:18

Tandis ki son papa, akoz in eksplwat lezot, vole e tronp son frer, pratik sa ki move parmi son pep, se li alor, ki pou mor pour son prop fot.

Eklezyas 5:8

Pa etonnen si ou war bann pov pe ganny kraze par labi e kan dimoun dan pei i perdi zot drwa e pa ganny lazistis. Annefe, par lao en fonksyonner enportan, i annan en sef pli enportan ki protez li; par lao tou le de, i annan en lot sef pli enportan ankor.

Eklezyas 4:1

Mon'n war tou bann eksplwatasyon imen ki egziste anba soley. Kriye bann ki ganny kraze e napa personn pour ed zot. Pouvwar i dan kote bann ki pe dominen e napa personn pour sekour zot

Psonm 10:18

pour ou etabli lazistis an faver bann orfelen ek sa enn ki ganny kraze. Konmsa, personn lo later pa pou kapab senm lafreyer ankor.

Psonm 10:5

I touzour reisi dan tou sa ki i antreprann. Zizman Bondye pa afekte li. I kraz son bann lennmi.

Ziz 10:16

Bann Izraelit ti debaras zot avek bann bondye etranze parmi zot e konmans servi SENYER ki ti pran pitye pour soufrans pep Izrael.

Egzod 5:2

Faraon ti dir, “Lekel li sa SENYER pour ki mon devre ekoute e les pep Izrael ale? Mon pa konn sa SENYER. Mon pa pou les pep Izrael ale.”

Psonm 31:19

SENYER! Ou rezerv ou gran labonte pour sa enn ki montre respe anver ou. Ou protez bann dimoun ki met zot konfyans dan ou.

Psonm 73:8

Zot sikannen e fer konplo pour fer dimal; zot menase avek larogans.

Proverb 18:21

Pouvwar lalang i donn swa lavi oubyen lanmor; sa enn ki kontan koze i devre aksepte son konsekans.

Oze 7:16

Zot in tourn ver sa ki pa anmenn okenn profi. Zot parey en fles tord. Zot sef pou tonbe dan lager, akoz zot bann parol arogan; dan Lezip, zot pou ganny riye.