Psonm 119:101 - Labib An Kreol Seselwa

¹⁰¹ Mon'n evite mars dan move semen pour mwan gard ou promes.

Psonm 119:101 Referans Kwoze

Proverb 1:15

Mon garson! Pa swiv zot semen; evit semen ki zot pran.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Psonm 119:104

Ou bann direktiv i rann mwan saz. Alor, mon deteste tou semen mansonz.

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Psonm 18:23

Mon san repros devan li. Mon'n evit fer okenn pese.

Zeremi 2:36

Ou'n fasilman sanz ou semen, pour ou al kot bann bondye lezot nasyon. Bann Asiriyen in fer ou onte; bann Ezipsyen pou fer parey.

Psonm 119:126

Senyer! In ler pour ou azir, akoz ou lalwa in ganny vyole.

Psonm 119:2

Byennere sa bann ki gard son bann lord, ki rod li avek tou zot leker.