Psonm 118:6 - Labib An Kreol Seselwa

⁶ Si SENYER i lo mon kote, mon pa per nanryen. Ki en zonm i kapab fer mwan?

Psonm 118:6 Referans Kwoze

Ebre 13:6

Pour sa rezon, nou kapab dir avek konfyans: Senyer i mon sekour, mon pa per personn. Ki dimoun i kapab fer mwan?

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Psonm 56:4

Mon loue Bondye akoz son parol. Mon met mon konfyans dan li; mon pa per. Ki en imen i kapab fer mwan?

Psonm 56:11

Mon'n met mon konfyans dan Bondye; mon pa per. Lekel sa imen ki kapab fer mwan ditor?

Psonm 56:9

Alor, zour mon pou apel ou, mon bann lennmi pou rekile. Mon konnen ki Bondye i lo mon kote.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Ezai 51:12

La sa ki SENYER i deklare: Mwan menm ou konsolater. Alor, akoz ou per zonm ki parey ou en et imen ki mor parey zerb?

Psonm 23:4

Menm si mon mars dan vale sonm lanmor, mon pa per okenn danze, akoz ou avek mwan. Ou protez mwan; ou baton berze i donn mwan konfyans.

Psonm 46:11

SENYER liniver i avek nou; Bondye Zakob i nou labri.

Psonm 146:5

Byennere sa bann ki Bondye Zakob i zot sekour; bann ki met zot lespwar dan SENYER zot Bondye.

Psonm 46:1

Bondye i pour nou en labri e en sekour. I touzour avek nou dan letan maler.

1 Samyel 17:11

Kan Sail ek bann Izraelit ti antann parol sa Filisten, zot ti dekouraze e vreman per.

1 Samyel 17:37

David ti dir ankor, “SENYER ki'n delivre mwan dan grif lyon ek grif lours, pou delivre mwan osi dan lanmen sa Filisten.” Sail ti dir David, “Ale! Mon swete ki SENYER ava avek ou!”

Psonm 56:5

Tou le zour zot tourmant mwan avek parol blesan. Zot mazin zis fer mwan ditor.

Psonm 56:10

Mon loue Bondye akoz son parol. Mon sant louanz SENYER, akoz son parol.

Psonm 56:12

Mon Bondye! Mon pou tenir mon promes. Mon pou ofer ou bann sakrifis remersiman.

Psonm 94:16

Lekel ki pou leve pour defann mwan kont bann malfeter? Lekel ki pou debout pour defann mwan kont sa bann malfeter?

Psonm 112:8

Son leker i trankil, i pa per. I annan lasirans ki i pou war lanmor son ladverser.