Psonm 113:3 - Labib An Kreol Seselwa

³ Loue non SENYER depi soley leve ziska soley kouse.

Psonm 113:3 Referans Kwoze

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Psonm 18:3

Mon apel SENYER, mon loue li. I delivre mwan kont mon bann lennmi.

Ezai 49:13

Lesyel! Sant ou lazwa. Later! Rezoui ou. Bann montanny! Fer tande zot bann sanson. SENYER in konsol son pep; in pran konpasyon pour sa bann ki pe soufer.

Psonm 86:9

Tou bann nasyon ki ou'n kree pou prosternen devan ou, SENYER e zot ava rann glwar ou non.

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Psonm 48:10

Mon Bondye! Ou non ek ou grander i ganny selebre partou lo later. Ou ranpli avek lazistis.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Psonm 72:11

Tou bann lerwa ava prostern devan li e tou bann nasyon ava servi li.

Habakouk 2:14

Me, parey delo i ranpli lanmer, later antye pou konn grander SENYER.

Psonm 50:1

Bondye Toupwisan, SENYER Bondye in koze e i konvok later antye depi en bout later ziska lot.

Ezai 24:16

Bann ki sorti lwen pou sant louanz, e laglwar, an loner Bondye lazistis. Me mwan, mon dir ki mon'n perdi; mon'n perdi. Maler lo mwan! Bann tret in trai! Traizon! Wi! Bann tret in trai!