Psonm 112:1 - Labib An Kreol Seselwa

¹ Loue SENYER! Byennere sa enn ki annan respe pour SENYER; i pran gran plezir pour son komannman.

Psonm 112:1 Referans Kwoze

Psonm 128:1

Byennere sa enn ki annan respe pour SENYER, ki swiv semen ki SENYER i'n trase!

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Levanzil dapre Lik 1:50

I annan konpasyon pour tou dimoun ki obei li, atraver tou bann zenerasyon.

Psonm 119:35

Gid mwan lo semen ou bann komannman akoz mon kontan met zot an pratik.

Psonm 145:19

I realiz dezir tou dimoun ki annan respe pour li. I osi ekout zot kan zot apel son sekour e i sov zot.

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Romen 7:22

Dan mwan menm, koman en zonm, mon ganny plezir dan Lalwa Bondye.

Psonm 119:97

Pa mon kontan ou komannman! Mon medit lo la tou le zour.

Psonm 150:1

Loue SENYER! Loue Bondye dan son sanktyer! Loue li dan son gran lesyel!

Psonm 147:1

Loue SENYER! I bon sant louanz pour nou Bondye! I vreman gou pour loue li akoz i bon.

Psonm 119:143

Maler ek langwas in sezi mwan. Me mon kontan obei ou bann komannman.

Psonm 40:8

Mon Bondye! Mon oule fer ou lavolonte. Ou lalwa in grave dan fon mon leker.

Romen 8:6

Kan nou dezir i ganny kontrole par natir imen, i anmenn lanmor. Me kan nou dezir i ganny kontrole par Lespri, i anmenn lavi ek lape.

Psonm 119:16

Mon pran plezir dan ou bann regleman; mon pa pou oubliy ou parol.

Psonm 119:14

Mon kontan swiv ou bann lalwa, konmsi mon posed tou larises.

Psonm 111:1

Loue SENYER! Mon pou loue SENYER avek tou mon leker parmi bann ki leker i pir.

Egzod 1:21

Akoz bann sazfanm ti annan respe pour Bondye, i ti beni zot prop fanmir.

Deterononm 28:3

SENYER ava beni ou dan lavil; i ava beni ou dan lakanpanny.

1 Rwa 18:3

Akab ti apel Abdyas, sef dan pale. Abdyas ti en zonm ki ti annan gran respe pour SENYER.

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.