Psonm 11:1 - Labib An Kreol Seselwa

¹ SENYER i mon labri. Ki mannyer ou kapab dir mwan: Sov dan montanny parey en zwazo?

Psonm 11:1 Referans Kwoze

Psonm 56:11

Mon'n met mon konfyans dan Bondye; mon pa per. Lekel sa imen ki kapab fer mwan ditor?

Psonm 25:2

Mon Bondye! Mon'n fer ou konfyans; pa tronp mwan. Pa les mon bann lennmi ganny laviktwar.

1 Samyel 23:14

David ti etabli li dan dezer, dan bann landrwa presipis. Letan ki i ti'n enstal li dan rezyon montanny dezer Zif, tou le zour, Sail ti rod li. Me Bondye pa ti livre dan son lanmen.

Levanzil dapre Lik 13:31

Pandan sa menm moman, detrwa Farizyen ti vin dir Zezi, “Pa reste isi, al dan en lot landrwa, akoz Herod i oule touy ou.”

Proverb 6:5

Degaz ou dan sa pyez, parey en gazel dan latrap, parey en zwazo dan lanmen saser.

Psonm 16:1

Mon Bondye! Protez mwan. Mon met mon konfyans dan ou.

2 Kronik 16:8

Eski bann Etyopyen ek bann Libyen, pa ti annan en gran larme avek en gran kantite kales lager ek bann kavalye? Pourtan, SENYER, pa ti livre zot dan ou lanmen, zis akoz ou ti met ou konfyans dan li?

Psonm 31:14

Me mwan, mon'n met mon konfyans dan ou, SENYER. Mon dir: Ou menm mon Bondye.

Psonm 9:10

Bann ki konn ou non, zot met zot konfyans dan ou. Akoz ou SENYER, zanmen ou abandonn sa enn ki vin kot ou.

Psonm 7:1

SENYER, mon Bondye! Mon vin pran refiz kot ou. Sov mwan! Delivre mwan avek mon bann persekiter,

2 Kronik 14:11

Asa ti kriy ver SENYER, son Bondye: Ou tousel ki kapab sekour sa ki feb, koman sa ki for. Vin sekour nou, SENYER, Bondye, akoz nou kont lo ou. Nou'n sorti pour lager lo ou non, kont sa gran larme. SENYER, ou menm, nou Bondye, pa permet ki zonm i ganny laviktwar kont ou.

1 Samyel 20:38

Zonatan ti kriy avek li ankor, “Degaze, fer vit, pa arete.” Alor, sa pti garson ti ranmas sa bann fles e retourn kot son met.

1 Samyel 27:1

David ti dir dan li menm: En zour ou lot, mon pou mor par lanmen Sail. Meyer keksoz mon kapab fer, se sove e al dan pei bann Filisten. Konmsa, Sail ava aret rod mwan partou dan teritwar Izrael; konmsa, mon ava kapab sape.

1 Samyel 22:3

David ti kit sa landrwa e al Mispa dan pei Moab. I ti dir avek lerwa Moab, “Mon demann ou pour les mon manman ek mon papa vin reste kot ou, ziska mon ki konnen sa ki Bondye pou fer avek mwan.”

1 Samyel 19:11

Sail ti anvoy bann zonm kot David pour veye e touy li son lannmen bomaten. Me Mikal, fanm David, ti dir li, “Si ou pa sove aswar menm, demen ou pou en zonm mor.”

Nehemi 6:11

Mon ti reponn, “Eski en zonm koman mwan i devre sove? Eski en zonm koman mwan devre antre dan tanp pour li sov son lavi? Mon pa pou ale.”

Psonm 7:2

avan ki zot desir mwan parey en lyon e trenn mwan avek zot, san ki personn i sov mwan.

Zeremi 48:14

Zabitan Moab! Koman eski zot kapab dir ki zot bann ero e bann vayan gerye?