Psonm 109:3 - Labib An Kreol Seselwa

³ Par tou kote, zot koz bann parol laenn e zot atak mwan san okenn rezon.

Psonm 109:3 Referans Kwoze

Psonm 69:4

Sa bann ki ay mwan san okenn rezon, zot pli bokou ki seve lo mon latet; en kantite zot i oule detri mwan; mon bann lennmi i oule detri mwan avek zot fo lakizasyon. Eski fodre mon rann sa ki mon pa'n vole?

Psonm 35:7

San okenn rezon, zot in met en latrap kont mwan. San okenn rezon, zot in fouy en trou pour mwan.

Psonm 88:17

Tou le zour, zot in antour mwan parey en linondasyon; zot in anserkle mwan lo tou kote.

Psonm 35:20

Zanmen zot koz pour fer lape. O kontrer, zot envant en bann kalonmni kont bann zabitan trankil sa pei.

Oze 11:12

Efraim in antour mwan avek mansonz. Izrael in anvlop mwan dan son bann tronpri; me Zida i reste fidel e i mars avek Bondye sen.

Psonm 22:12

Mon bann lennmi, bann toro, in antour mwan; bann toro ki sorti Basann in anserkle mwan.

Psonm 17:11

Zot in swiv mwan, la zot antour mwan. Zot pe veye pour zet mwan ater.

2 Samyel 15:12

Pandan ki Absalon ti pe ofer bann sakrifis, i ti anvoy sers Ahitofel, konseye David, dan lavil Gilon. Konmsa bann ki ti pou Absalon ti ogmante e konplo ti vin pli for.

1 Samyel 26:18

David ti azoute, “Akoz, mon senyer pe pourswiv mwan! Ki mon'n fer ou? Pour ki mal mon koupab?

Psonm 35:19

Pa les mon bann lennmi riy mwan. Pa les sa bann ki ay mwan san rezon get mwan avek mepri.