Psonm 103:3 - Labib An Kreol Seselwa

³ I pardonn tou ou bann fot e i geri tou ou bann maladi.

Psonm 103:3 Referans Kwoze

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Ezai 53:5

Me i ti'n ganny blese, akoz nou bann transgresyon, kraze, akoz nou bann pese. Pinisyon ki donn nou lape in tonm lo li. Par son bann blesir, nou ganny geri.

Psonm 30:2

SENYER, mon Bondye! Mon ti kriy ver ou e ou'n geri mwan.

Zeremi 17:14

SENYER! Zis ou ki kapab geri mwan. Zis ou ki kapab sov mwan. Ou menm ki fer mwan sant ou laglwar.

Psonm 147:3

I geri bann ki leker in perdi lespwar. I pans zot bann blesir.

Let Zak 5:15

Lapriyer fer avek lafwa, ava sov sa malad, e Senyer ava donn li lasante. Si i'n komet okenn pese, i ava ganny pardonnen.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Mark 2:5

Kan Zezi ti war zot lafwa, i ti dir avek sa zonm paralize, “Mon garson! Ou bann pese in ganny pardonnen.”

Nonm 12:13

Alor Moiz ti priy SENYER. I ti dir, “Mon Bondye, mon sipliy ou, geri li!”

Psonm 130:8

Li menm ki pou delivre Izrael dan tou son bann pese.

Efezyen 1:7

Annefe, par disan Zezi-Kri, nou'n ganny sove, e par larises son lagras, nou bann pese in ganny pardonnen.

2 Samyel 12:13

David ti reponn Natan, “Mon'n fer pese kont SENYER.” Natan ti reponn David, “SENYER osi in pardonn ou pese: Ou pa pou mor.

Ezai 33:24

Personn pa pou dir: Mon malad! Bann zabitan Zerizalenm pou ganny pardonnen zot pese.

Egzod 34:7

ki gard son fidelite ziska mil zenerasyon; ki pardonn fot, dezobeisans ek pese. Me mon pa deklar inosan, sa enn ki koupab. Mon fer zanfan ek pti zanfan rann kont pese zot bann paran, ziska trwazyenm ek katriyenm zenerasyon.

Psonm 41:8

In atrap en maladi ki napa gerizon; i pa pou leve, i pou mor.

Psonm 86:5

SENYER! Ou bon e ou pare pour pardonnen. Ou fidelite i gran pour dimoun ki kriy ver ou.

Psonm 130:4

Me pardon i kot ou, e nou ava annan respe pour ou.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.