Psonm 102:4 - Labib An Kreol Seselwa

⁴ Mon leker in ganny atake e i fletri parey zerb; mon'n perdi lanvi manze.

Psonm 102:4 Referans Kwoze

Ezai 40:7

Zerb i sek e fler i fletri ler SENYER i soufle lo zot. Vreman, lepep i parey zerb.

Psonm 37:2

Zot pa pou tarde pour sek parey zerb e fletri parey fey ver.

Psonm 77:3

Mon mazin Bondye, mon plennyen devan li. Plis mon reflesir, mon perdi kouraz.

Esdras 10:6

Apre, Esdras ti sorti kot i ti ete devan tanp Bondye e al pas lannwit dan en lasanm kot Yohanann, garson Eliasib. I pa ti ni manze, ni bwar, akoz i ti an dey pour bann move aksyon ki bann ansyen deporte ti'n komet.

Akt de Zapot 9:9

Pandan trwa zour i pa ti war kler, e pandan sa letan i pa ti ni manze, ni bwar.

Lamantasyon 3:20

Kan mon mazin tousala, mon tonm dan depresyon.

Lamantasyon 3:13

SENYER in anfons son bann fles drwat dan mon leker.

Psonm 102:11

Mon lavi pe fini parey lonbraz; mon pe fletri parey zerb.

Psonm 102:9

Lasann i mon lasyet manze. Mon larm i melanze dan sa ki mon bwar.

Psonm 69:20

Mon leker i fermal afors ganny ensilte; mon dan dezespwar. Mon vin rod senpati, me personn pa pran pitye pour mwan, personn pa'n vin rekonfort mwan.

Psonm 42:6

Dan mon latristes, mon mazin ou, depi dan pei Zourden ek montanny Hermon ek montanny Mitsear.

Liv Zob 33:20

Alor, in degoute manze, in perdi lapeti menm pour son pla prefere.

Liv Zob 10:1

Mon degout mon lavi. Mon pou fer konnen tou mon lapenn; mon pou dir tou sa ki lo mon leker.

Liv Zob 6:4

Bondye liniver in pers mwan avek son bann dart; mon lespri in bwar zot pwazon. Lafreyer Bondye in pran pozisyon kont mwan.

2 Samyel 12:17

Bann ansyen kot li ti ensiste ki i leve ater; me i pa ti aksepte, e i ti refize manze avek zot.

Liv Zob 30:30

Mon lapo in vin nwanr e i pe deplise; lafyev pe bril mwan ziska dan mon lezo.