Psonm 102:26 - Labib An Kreol Seselwa

²⁶ Tousala pou disparet. Me ou, ou reste pour touzour; Tou pou ize parey en lenz. Ou sanz zot parey en lenz e zot pou disparet.

Psonm 102:26 Referans Kwoze

Ezai 51:6

Lev lizye, get lesyel, get later anba: Lesyel pou disparet parey lafimen; later pou tonm an lanbo parey en lenz e son bann zabitan pou mor parey mous. Me mon delivrans i asire e delivrans ki mon pe anmennen i pour touzour.

Matye 24:35

Lesyel ek later pou disparet, me mon parol pa pou disparet.

Ezai 34:4

Tou bann larme lesyel pe pouri. Lesyel in roul roule parey en liv. Tou son larme pou grennen parey fey rezen ki'n fletri, oubyen parey fey fig ki'n fletri.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Levanzil dapre Lik 21:33

Lesyel ek later pou disparet, me mon bann parol pa pou disparet.”

Revelasyon 21:1

Alor, mon ti war en nouvo lesyel ek en nouvo later akoz sa premye lesyel ek sa premye later ti'n disparet. Lanmer osi ti nepli egziste.

Romen 8:20

Annefe, lakreasyon antye in tonm anba pouvwar bann lafors san valer. Pa par son prop swa, me akoz Bondye ki'n fer li soumet. Sepandan, i annan ankor en lespwar:

Ezai 66:22

Annefe, parey bann nouvo lesyel e nouvo later ki mon pou kree pou dire devan mwan, demenm, ou bann desandan e ou non pou reste devan mwan. SENYER i deklare:

Psonm 102:12

Me ou, SENYER! Ou lerwa pour touzour. Ou non pou dire atraver bann zenerasyon.

Ezai 65:17

Mon pou kree en nouvo lesyel ek en nouvo later. Dimoun pou oubliy letan pase. Zot souvenir pa pou zanmen retourn dan lespri.

Egzod 3:14

Bondye ti dir Moiz, “Mwan menm Sa Enn ki la depi touzour. Dir bann Izraelit: Sa Enn ki egziste depi touzour in anvoy mwan kot zot.”

2 Rwa 19:15

Ezekyas ti priy devan SENYER e i ti dir: SENYER, Bondye Izrael, ou ki ou tronn i par lao bann seriben. Ou ki sel Bondye dan bann rwayonm lo later; ou ki'n kree lesyel ek later.

Liv Zob 38:4

Dir mwan si ou konpran: Kote ou ti ete ler mon ti poz fondasyon later?