Psonm 102:25 - Labib An Kreol Seselwa

²⁵ Depi lontan, ou'n etabli fondasyon later; lesyel i travay fer par ou lanmen.

Psonm 102:25 Referans Kwoze

Zenez 1:1

O konmansman, Bondye ti kree lesyel ek later.

Egzod 20:11

Annefe, pandan sis zour, SENYER ti fer lesyel ek later, lanmer e tou sa ki ladan; setyenm zour i ti repoze. Pour sa rezon, SENYER ti beni zour saba e i ti konsakre li.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Zenez 2:1

Alor, lesyel, later ek tou sa ki ti ladan ti'n fini ganny kree.

Psonm 96:5

Tou bann bondye lezot pep i zis zidol. Me SENYER in kree lesyel.

Psonm 90:2

Avan ki ou ti kree bann montanny, avan ki ou ti form later ek lemonn, depi touzour e pour touzour, ou Bondye!

Psonm 92:9

SENYER! Ou bann lennmi, wi, ou bann lennmi pou ganny detri. Tou bann malfeter pou ganny disperse.

Ezai 38:10

Mon ti dir dan mwan menm: Mon apenn lanmwatye mon lavi e deza mon bezwen ale. Mon'n ganny kondannen pour pas leres mon lavi devan lemonn lanmor.