Psonm 102:2 - Labib An Kreol Seselwa

² Pa kasyet ou avek mwan kan mon dan lapenn. Ekout mwan ler mon apel ou. Pa tarde pour reponn mwan.

Psonm 102:2 Referans Kwoze

Psonm 69:17

Pa vir ledo avek ou serviter, akoz mon dan maler. Pa tarde pou reponn mwan.

Ezai 8:17

Mon pou esper SENYER, i'n detourn li avek desandan Zakob. Mon pou met mon lespwar dan li.

Psonm 27:9

Pa kasyet ou vizaz; ou'n touzour ed mwan. Pa rezet mwan ou serviter, avek lakoler. Ou ki'n delivre mwan, pa rezet mwan, pa abandonn mwan. Ou Bondye ki delivre mwan.

Psonm 104:29

Me ler ou vir ledo, zot per en kantite. Ler ou repran zot respirasyon, zot mor e zot retourn dan lapousyer.

Psonm 70:1

Mon Bondye! Delivre mwan. SENYER! Vin vit pou sekour mwan.

1 Korentyen 10:13

Bann tantasyon ki zot in gannyen, i ariv avek tou dimoun. Me Bondye i fidel dan son promes. I pa pou permet ki nou ganny tante plis ki nou kapab siporte. Kan tantasyon i vini, Bondye osi i donn lafors pour kapab siporte, e mwayen pour sorti.

Psonm 143:7

SENYER! Reponn mwan vit. Mon lespri i trouble. Pa detourn ou vizaz avek mwan, sinon mon pou parey sa bann ki desann dan lemonn lanmor.

Psonm 71:2

Dan ou lazistis, delivre mwan e sov mwan! Ekout mwan! Vin delivre mwan.

Ezai 43:2

Si ou travers lanmer, mon pou avek ou; si ou travers bann gran larivyer, ou pa pou ganny trennen. Si ou mars atraver dife, ou pa pou ganny brile, e bann laflanm pa pou fer ou dimal,

Psonm 40:13

SENYER! Delivre mwan. Pa tarde pour sekour mwan.

Psonm 31:2

Ekout mwan! Delivre mwan. Ou menm mon Ros protekter, mon fortres ki protez mwan.

Psonm 22:19

Me ou SENYER! Pa reste lwen avek mwan. Ou ki mon lafors! Vin vit pour sekour mwan.

Psonm 13:1

Ziska kan SENYER, ou pou oubliy mwan? Pour touzour? Ziska kan ou pou kasyet ou figir avek mwan?

Liv Zob 34:29

Si Bondye i reste trankil, lekel ki kapab kondann li? Si i kasyet son figir, lekel sa nasyon oubyen sa zonm ki pou kapab war li?

Liv Zob 7:21

Akoz ou pa pardonn mon pese, e efas mon fot? Byento mon pou desann dan lapousyer; ou ava rod mwan, me mon pou nepli la.

Ezai 65:24

Avan ki zot apel mwan, mon pou reponn; parol pou ankor dan zot labous, mon pou'n fini tande.

Egzod 2:23

Lontan apre, lerwa Lezip ti mor. Bann Izraelit ti kontinyen plennyen anba lesklavaz. Zot bann plent dan zot leta lesklavaz ti mont ver Bondye.

Egzod 2:24

Bondye ti antann zot soupir. I ti rapel son lalyans ki i ti'n fer avek Abrahanm, Izaak ek Zakob.

Psonm 17:1

SENYER! Ekoute! Mon kriy ver ou pour lazistis. Port mon lapenn! Ekout mon lapriyer ki sorti dan en leker senser.