Psonm 102:17 - Labib An Kreol Seselwa

¹⁷ I pou ekout lapriyer bann ki'n ganny abandonnen e i pa pou rezet zot lapriyer.

Psonm 102:17 Referans Kwoze

Nehemi 1:6

Ekout avek atansyon, ouver ou lizye, ekout lapriyer ki mwan ou serviter mon pe adres ou. Mon pe priy devan ou nwit e zour pour ou bann serviter, pep Izrael; mon rekonnet pese pep Izrael ki nou'n komet kont ou. Mwan ek mon fanmir, nou'n fer pese kont ou.

Psonm 72:12

Alor, i ava sekour bann malere ki demann led ek bann pov ki napa personn pour ed zot.

Psonm 22:24

SENYER pa'n ni rezet, ni mepriz dimoun pov ki dan maler. I pa ti kasyet li son figir; i ti reponn li kan i ti kriy ver li.

Psonm 9:18

Non! Bann pov pa pou touzour ganny oubliye. Lespwar bann malere pa'n perdi pour touzour.

Deterononm 32:36

Annefe, SENYER pour ziz son pep; i pou pran pitye pour son bann serviter, akoz i pou war ki zot lafors in fini e ki nepli annan ni lesklav ni zonm lib.

Deterononm 4:29

Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.

Nehemi 1:11

O SENYER! Ekout mon lapriyer e siplikasyon ou bann serviter ki pran plezir pour onor ou non. Fer ou serviter reisi ozordi e fer li ganny faver sa zonm.” Sa lepok mon ti responsab labwason lerwa.

Psonm 69:23

Zot lizye ava vin sonm e zot pou nepli war kler. Zot leren ava touzour kourbe.

Nehemi 2:20

Mon ti reponn zot, “Bondye dan lesyel ki pou fer nou reisi. Nou son bann serviter, nou pou konmans rekonstri lavil. Me zot, zot napa okenn par ladan, okenn drwa, napa nanryen pour zot dan Zerizalenm.”

Psonm 147:2

SENYER i rekonstri Zerizalenm; i rasanble bann Izraelit ki annegzil.

Ezai 40:5

Alor, laglwar SENYER ava ganny devwale; tou bann pep ava war. SENYER in dir par son prop labous.

Ezai 44:26

Mon fer realize parol mon serviter e fer arive sa ki mon bann mesaze i anonse. Mon dir lo size Zerizalenm: I pou ganny abite. Konsernan bann lavil dan Zida: Zot ava ganny rekonstri e remet an valer sa ki'n ganny devaste.

Zeremi 31:38

Sa zour pe vini, SENYER i deklare, kan lavil Zerizalenm pou ganny rekonstri zis pour mwan, depi latour Hananeel, ziska laport Dan Kwen.