Biblia Todo Logo
Bib sou entènèt

- Piblisite -




Psonm 102:13 - Labib An Kreol Seselwa

13 Ou pou leve, e ou pou pran pitye pour Zerizalenm, akoz in ler pour ou konsol li. Son ler in vreman arive.

Gade chapit la Kopi




Psonm 102:13
26 Referans Kwoze  

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.


Zerizalenm! Leve! Briye! Akoz ou lalimyer in arive e laglwar prezans SENYER in leve lo ou.


Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.


Leve! Vin sekour nou! Delivre nou akoz ou fidelite.


An tou ka, mon bann zanmi! Pa oubliy sa pwen: Pour Senyer, en zour i koman 1,000 an, e 1,000 an i koman en zour.


Zezi ti dir zot, “I pa neseser pour zot konn letan ek moman ki mon Papa in fikse par son prop desizyon.


Letan zot pe esper sa zour, fer tou zot mye pour ki i vin pli vit. Sa zour la, lesyel pou alimen e ganny detri, e tou bann eleman pou fonn dan dife!


Dan ou lakoler, leve SENYER! Debout kont lakoler mon bann lennmi! Sov mwan, ou ki rann lazistis!


I ti dir mwan, “Kontinyen, Danyel, akoz sa bann parol pou reste sekre, kaste, ziska letan lafen.


La sa ki SENYER liniver, Bondye Izrael i deklare: Kan mon ava'n fini retabli lepep koman i ti ete avan dan pei Zida e dan son bann lavil, zot pou rekonmans dir sa bann parol: Kolin sakre kot lazistis i reste! SENYER ava beni ou.


Ki larepons fodre donn mesaze bann nasyon? SENYER in etabli Siyon. Bann malere parmi son pep i an sekirite kot li.


Mon pou fikse letan kan mon pou ziz avek drwatir.


Fer sa ki bon pour Siyon. Rekonstri bann miray Zerizalenm.


Bondye ti dir ankor avek Moiz: Ou ava dir bann Izraelit: SENYER, Bondye zot zanset Bondye Abrahanm, Bondye Izaak e Bondye Zakob ki'n anvoy mwan kot zot. Sa i ava mon non pour touzour, mon non ki bann zenerasyon fitir ava envoke.


Avan ki ou ti kree bann montanny, avan ki ou ti form later ek lemonn, depi touzour e pour touzour, ou Bondye!


SENYER! Ou bann lennmi, wi, ou bann lennmi pou ganny detri. Tou bann malfeter pou ganny disperse.


SENYER! Ou non pou reste pour touzour. SENYER! Ou pou ganny nonmen atraver bann zenerasyon; ou ki Bondye.


Swiv nou:

Piblisite


Piblisite