Psonm 101:5 - Labib An Kreol Seselwa

⁵ Mon pou detri sa enn ki kalonmni son prosen dan kasyet. Mon pa pou toler bann ki orgeye e arogan.

Psonm 101:5 Referans Kwoze

Psonm 18:27

Ou delivre dimoun ki senp. Ou fer bann orgeye bes zot lizye.

Psonm 15:3

ki pa koz dimal lo son prosen, ki pa fer ditor son zanmi, ki pa ensilte son prosen,

Proverb 30:13

I annan ki orgeye e ki get ou avek mepri.

Psonm 50:20

Ou asize e koz kont ou frer; ou sali repitasyon zanfan ou prop manman.

Let Pol pour bann Tit 2:3

Dir osi bann fanm aze, ki zot devre konport zot koman dimoun ki pe viv en lavi sen. Zot pa devre kolport zaksyon ki fer ditor, ni vin lesklav lalkol. Zot devre sirtou donn bann bon konsey.

1 Korentyen 5:11

Non, mon ti oule dir zot ki zot pa devre asosye zot avek okenn dimoun, menm si i apel li kretyen, me ki pe viv en lavi imoral, ki anvye, ki ador zidol, ki kalonmnye son prosen, ki soular oubyen voler. Zot pa devre ni menm manz avek en tel dimoun.

Levanzil dapre Lik 18:14

Mon dir zot, sa kolekter taks ti retourn kot li son pese pardonnen, me pa sa Farizyen. Annefe, tou dimoun ki esey pas pour pli enportan, pou ganny abese e bann ki abes zot, pou vin pli enportan.”

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Proverb 20:19

Sa enn ki fer kalonmni i devwal bann sekre; alor, pa frekant dimoun ki koz bokou.

Ezekyel 22:9

Kot ou, i annan ki fer kalonmni pour fer disan koule. Zot manz dan bann landrwa sakre lo montanny e livre zot dan en lavi debos.

Ezai 2:11

Lizye dimoun arogan pou ganny abese; bann orgeye pou ganny imilye. Sa zour, zis SENYER ki pou ganny egzalte.

Proverb 25:23

Vandnor i anmenn lapli; mansonz, i anmenn lakoler.

Proverb 10:18

Sa enn ki kasyet son laenn i en manter. Sa enn ki fann mansonz i en fou.

Psonm 138:6

Menm si SENYER i lao dan lesyel, i pran ka avek bann ki pli mizerab e i rekonnet bann arogan depi byen lwen.

1 Samyel 2:3

Aret koz parol arogan; pa les parol ensolan sorti dan ou labous, akoz SENYER i en Bondye ki konn tou. I ziz tou aksyon ki dimoun i fer.

Levitik 19:16

Pa senm kalonmni kont ou prosen, ni fer en lakizasyon ki fer disan ou prosen koule. Mwan menm SENYER.

Egzod 23:1

Ou pa pou fann fo rimer. Ou pa devre alye ou avek fo temwen pour defann en koupab.

Egzod 20:16

Ou pa pou donn okenn fo temwannyaz kont ou prosen.

1 Timote 3:11

Bann fanm osi, zot devret serye, e pa abitye koz dimal lo lezot. Zot devre modere e fidel dan tou.

Proverb 21:4

En regar fyer e en leker ranpli avek larogans, i montre ki ou en malfeter: I en pese.