Psonm 10:4 - Labib An Kreol Seselwa

⁴ Dan son larogans, i dir: Bondye pa pini. Dan son lespri i mazinen: Bondye pa pou fer nanryen.

Psonm 10:4 Referans Kwoze

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Akt de Zapot 8:22

Sanz ou move lentansyon e priy Senyer pour ki i pardonn ou si posib, ou move lentansyon.

Zenez 6:5

SENYER ti war ki mesanste zonm ti gran lo later e zot lespri ti tourn zis ver lemal.

Romen 1:21

Zot konn Bondye, me zot napa okenn respe pour li; zot pa ni menm remersye li koman i fodre. O kontrer zot in vin konpletman fou, e zot lespri san disernman i dan teneb.

Ezai 65:2

Mon'n ouver mon lebra tou lazournen ver en pep rebel, ki mars lo en move semen, ki swiv zot prop plan;

Psonm 53:1

Bann fou i dir dan zot menm: Napa Bondye. Zot koronpi; zot fer bann keksoz degoutan. Personn pa fer sa ki byen.

Liv Zob 22:17

Zot ti dir avek Bondye: Les nou trankil. Ki Bondye liniver i kapab fer nou?

Deterononm 8:14

Fer atansyon alor, ki ou pa oubliy SENYER, ou Bondye ki'n fer ou sorti Lezip kot ou ti lesklav.

Egzod 5:2

Faraon ti dir, “Lekel li sa SENYER pour ki mon devre ekoute e les pep Izrael ale? Mon pa konn sa SENYER. Mon pa pou les pep Izrael ale.”

Efezyen 2:12

Rapel zot ki dan sa letan, zot ti separe avek Kris. Zot ti bann etranze ki pa ti fer parti pep Izrael. Zot pa ti annan okenn par dan lalyans baze lo promes Bondye. Zot ti pe viv dan lemonn san okenn lespwar e san Bondye.

Mark 7:21

Annefe, se dan leker dimoun ki tou sa bann move keksoz i sorti: Move panse, move aksyon, vol, krim,

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Ezai 3:9

Zot move aksyon i en temwen kont li. Zot montre zot pese parey Sodonm. Maler! Zot loter zot prop maler.

Ezai 2:11

Lizye dimoun arogan pou ganny abese; bann orgeye pou ganny imilye. Sa zour, zis SENYER ki pou ganny egzalte.

Proverb 30:13

I annan ki orgeye e ki get ou avek mepri.

Proverb 30:9

Annefe, si mon vin tro ris, mon riske trai ou e dir: Lekel li SENYER? E si mon vin tro pov, mon kapab vin en voler. Alor, mon pou nepli annan respe pour non Bondye.

Proverb 21:4

En regar fyer e en leker ranpli avek larogans, i montre ki ou en malfeter: I en pese.

Proverb 6:17

En regar meprizan, en labous mansonz, lanmen ki fer koule disan inosan;

Psonm 101:5

Mon pou detri sa enn ki kalonmni son prosen dan kasyet. Mon pa pou toler bann ki orgeye e arogan.

Psonm 36:1

Dan fon mon leker, mon mazin mesanste zonm: Dan fon son leker, i napa respe pour Bondye.

Psonm 27:8

Mon mazin sa ki ou'n dir: Rod SENYER. Alor SENYER! Mon pe tourn ver ou.

Psonm 18:27

Ou delivre dimoun ki senp. Ou fer bann orgeye bes zot lizye.

Psonm 73:11

Zot dir: Koman Bondye i konnen? Eski Treo i annan konnesans?

Eklezyas 8:11

Nou tarde pour kondann en move aksyon, akoz leker imen i ranpli avek move lentansyon.

Sofoni 1:12

Dan sa lepok, mon pou pran en lalanp; mon pou fouy dan Zerizalenm. Mon pou pran aksyon kont bann zonm ki viv trankilman e ki les lanmar poze parey dan en fon boutey. Zot dir: SENYER pa fer ni sa ki byen, ni sa ki mal.